Nithin: 'పవర్ పేట' విషయంలో నితిన్ కొత్త నిర్ణయం

'భీష్మ' హిట్ తో నితిన్ మంచి జోరుమీదున్నాడు. ప్రస్తుతం ఆయన చేతిలో మూడు సినిమాలు వున్నాయి. ఒక సినిమా సెట్స్ పై ఉండగా, రెండు సినిమాలు సెట్స్ పైకి వెళ్లడానికి సిద్ధమవుతున్నాయి. ఈ మూడు సినిమాలు పూర్తయిన తరువాత ఆయన 'పవర్ పేట' అనే సినిమా చేయనున్నాడు.

ఇంతకు ముందు నితిన్ తో 'ఛల్ మోహన్ రంగ' చేసిన కృష్ణ చైతన్య ఈ సినిమాకి దర్శకత్వం వహించనున్నాడు. ఈ సినిమా కథ నితిన్ కి ఒక రేంజ్ లో నచ్చిందట. కథ మొత్తాన్ని రెండున్నర గంటల్లో చెప్పలేమని భావించిన నితిన్, ఈ సినిమాను రెండు భాగాలుగా నిర్మిస్తే బాగుంటుందని భావించాడట. ఆ దిశగానే స్క్రిప్ట్ పై కసరత్తు జరుగుతుందని అంటున్నారు. వచ్చే ఏడాది ద్వితీయార్థంలో ఈ సినిమా పట్టాలెక్కే అవకాశాలు కనిపిస్తున్నాయి.