KCR: కరోనా పరిస్థితులపై ప్రగతిభవన్ లో సీఎం కేసీఆర్ సమీక్ష

తెలంగాణలో కరోనా కట్టడి కోసం ప్రభుత్వం తీవ్రంగా శ్రమిస్తోంది. కొన్నిరోజుల కిందట కేసులు తగ్గుముఖం పడుతున్నట్టు అనిపించినా, మళ్లీ కొత్త కేసులు వెలుగుచూస్తుండడం పట్ల సీఎం కేసీఆర్ అప్రమత్తమయ్యారు.

ఈ క్రమంలో రాష్ట్రంలో కరోనా పరిస్థితులపై ఆయన ప్రగతిభవన్ లో సమీక్ష చేపట్టారు. ఈ సమావేశానికి ఆరోగ్య శాఖ మంత్రి ఈటల రాజేందర్, సీఎస్ సోమేశ్ కుమార్, ఇతర ఉన్నతాధికారులు హాజరయ్యారు. రాష్ట్రంలో కరోనా నియంత్రణ, వలస కార్మికుల తరలింపుపై చర్చిస్తున్నారు. ఈ నెల 5న క్యాబినెట్ భేటీలో చర్చించాల్సిన అంశాలపైనా కసరత్తు చేస్తున్నారు. కాగా, తెలంగాణలో ఇప్పటివరకు 1061 పాజిటివ్ కేసులు నమోదు కాగా, 29 మంది మరణించారు.