Revanth Reddy: ఓ కేసీఆర్ సారూ.. ఇప్పుడైనా కళ్లు తెరవండి: రేవంత్ రెడ్డి

లాక్ డౌన్ కారణంగా ఆటో, క్యాబ్ డ్రైవర్ల జీవితాలు దుర్భరంగా తయారయ్యాయని కాంగ్రెస్ నేత రేవంత్ రెడ్డి ఆవేదన వ్యక్తం చేశారు. ఎన్నో కుటుంబాలు పూట గడవలేని స్థితిలో ఉన్నాయని చెప్పారు. రేషన్ కార్డు లేక 2 లక్షల మందికి సర్కారు బియ్యం, రూ. 1,500 ప్రభుత్వ సాయం అందడం లేదని అన్నారు. వీరందరిని ప్రభుత్వం ఆదుకోవాలని కోరారు. 'ఓ సీఎం సారూ, ఇప్పుడైనా కళ్లు తెరవండి' అని ట్వీట్ చేశారు. దీంతో పాటు ఆటో, క్యాబ్ డ్రైవర్ల దుస్థితిపై ఓ వార్తా పత్రికలో వచ్చిన కథనాన్ని షేర్ చేశారు.