కీలక సన్నివేశాల చిత్రీకరణను పూర్తి చేసుకున్న హిందీ 'జెర్సీ'

తెలుగులో నాని హీరోగా గౌతమ్ తిన్ననూరి దర్శకత్వం వహించిన 'జెర్సీ' భారీ విజయాన్ని సొంతం చేసుకుంది. దాంతో షాహిద్ కపూర్ హీరోగా హిందీలో ఈ సినిమాను రీమేక్ చేస్తున్నారు. హిందీ సినిమాకి దర్శకత్వం వహించేది కూడా గౌతమ్ తిన్ననూరి కావడమే విశేషం. ఈ సినిమా కోసం షాహిద్ కపూర్ క్రికెట్ లో ప్రత్యేక శిక్షణ తీసుకున్నాడు.

ఇప్పటికే ఈ సినిమాకి సంబంధించిన కీలకమైన సన్నివేశాలను చిత్రీకరించారు. నాయకా నాయికల కాంబినేషన్లో వచ్చే ముఖ్యమైన సన్నివేశాలను 'చండీగఢ్'లో ప్లాన్ చేశారట. అయితే లాక్ డౌన్ కారణంగా షూటింగు వాయిదా పడింది. లాక్ డౌన్ ఎత్తేసిన తరువాత 'చండీగఢ్'లోనే చిత్రీకరణ జరుపుతారట. ముందుగా ఈ సినిమాను ఆగస్టు 28వ తేదీన విడుదల చేయాలని భావించారు. కానీ లాక్ డౌన్ కారణంగా విడుదల తేదీ మారొచ్చనే అభిప్రాయాలు వ్యక్తమవుతున్నాయి.