తమిళనాడు సీఎంకు, కేంద్ర హోం శాఖ కార్యదర్శికి చంద్రబాబు లేఖ

తమిళనాడు సీఎం పళనిస్వామి, కేంద్ర హోం శాఖ కార్యదర్శి అజయ్ కుమార్ భల్లాకు టీడీపీ అధినేత చంద్రబాబు నాయుడు ఓ లేఖ రాశారు. తమిళనాడులో చిక్కుకుపోయిన ఉత్తరాంధ్ర, ప్రకాశం జిల్లాలకు చెందిన 1500 మంది  భవన నిర్మాణ కార్మికులను ఆదుకోవాలని ఆ లేఖలో విజ్ఞప్తి  చేశారు.

దేశ వ్యాప్తంగా లాక్ డౌన్ మే 3 వరకు పొడిగించిన కారణంగా భనవ నిర్మాణ కార్మికులకు నిత్యావసరాలు అందించాలని కోరారు. అక్కడ చిక్కుకుపోయిన కార్మికుల యోగ క్షేమాల గురించి వారి కుటుంబసభ్యులు ఆందోళనతో ఉన్నారని ఆ లేఖ ద్వారా వారి దృష్టికి తెచ్చారు. ఆయా కార్మికులకు సంబంధించిన ఫోన్ నెంబర్లు, వివరాలను ఆ లేఖలో జతపరిచారు.