ap7am logo

త్రివిక్రమ్ వైపు మొగ్గుచూపుతున్న మహేశ్ బాబు

Fri, Apr 03, 2020, 10:35 AM
  • పరాజయం పాలైన 'ఖలేజా'
  • బ్లాక్ బస్టర్ గా నిలిచిన 'అతడు'
  • మరో ప్రాజక్టుకు ప్రయత్నాలు  
మహేశ్ బాబు - త్రివిక్రమ్ కాంబినేషన్లో ఇంతకుముందు 'ఖలేజా' .. 'అతడు' సినిమాలు వచ్చాయి. ఈ రెండు సినిమాల్లో 'అతడు' మహేశ్ బాబు కెరియర్లోనే చెప్పుకోదగిన చిత్రంగా నిలిచింది. ఇప్పటికీ ఈ సినిమాను టీవీలో ప్రసారం చేస్తే మంచి రేటింగ్స్ వస్తున్నాయి.

అయితే ఈ రెండు సినిమాలు వచ్చి చాలా కాలమే అయినా, త్రివిక్రమ్ - మహేశ్ బాబు కాంబినేషన్లో ఇంతవరకు మరో సినిమా రాలేదు. అందుకు కారణాలు ఏమైనా, మరోసారి త్రివిక్రమ్ తో సినిమా చేయడానికి మహేశ్ బాబు మొగ్గుచూపుతున్నాడని అంటున్నారు. ఆ దిశగా కొన్ని సంకేతాలు కూడా పంపుతున్నాడని చెబుతున్నారు.

ఇంతకుముందు ఎన్టీఆర్ .. ఆ తరువాత బన్నీ .. త్రివిక్రమ్ కోసం వెయిట్ చేసి మరీ ఆయనతో సినిమాలు చేశారు .. విజయాలను అందుకున్నారు. ఈ నేపథ్యంలో త్రివిక్రమ్ తో మరో ప్రాజెక్టును సెట్ చేయడానికి మహేశ్ బాబు వైపు నుంచి గట్టి ప్రయత్నాలు జరుగుతున్నాయని అంటున్నారు. ఏం జరుగుతుందో చూడాలి మరి.
Do you hate Fake News, Misleading Titles, Cooked up Stories and Cheap Analyses?...
We are here for YOU: Team ap7am.com
X

Feedback Form

I agree to Terms of Service & Privacy Policy
GarudaVega Banner Ad