విలనిజం చూపించనున్న రమ్యకృష్ణ

'బాహుబలి'లో శివగామి పాత్రతో రమ్యకృష్ణ మరింత పేరు తెచ్చుకుంది. నెగెటివ్ షేడ్స్ కలిగిన ఆ పాత్రలో ఆమె జీవించిన తీరుకి ప్రశంసలు లభించాయి. ఆ పాత్రకి రమ్యకృష్ణనే కరెక్ట్ అనుకున్నారు అందరూ. విలనిజంతో కూడిన అలాంటి పవర్ ఫుల్ పాత్రలోనే ఆమె మరోమారు కనిపించనుంది.

సాయితేజ్ - దేవకట్టా కాంబినేషన్లో రూపొందనున్న ఈ సినిమాలో ఆమె ఈ తరహా పాత్రను పోషించనుంది. సాయితేజ్ - దేవ కట్టా కాంబినేషన్లో ఓ పొలిటికల్ డ్రామా నిర్మితం కానుంది. ప్రస్తుతం అందుకు సంబంధించిన సన్నాహాలు జరుగుతున్నాయి. ఈ సినిమాలో నెగెటివ్ షేడ్స్ తో కూడిన పవర్ ఫుల్ పొలిటీషియన్ పాత్ర కోసం రమ్యకృష్ణను తీసుకున్నారట. శివగామి తరువాత రమ్యకృష్ణ చేసిన పాత్రలేవీ ఆ స్థాయిలో ప్రేక్షకులకు కనెక్ట్ కాలేదు. అందువలన ఈ పాత్ర తన కెరియర్ ను మరింత ఊపుతో ముందుకు తీసుకెళుతుందని రమ్యకృష్ణ బలంగా నమ్ముతోందని అంటున్నారు.