బోయపాటి మూవీలో బాలకృష్ణ సరసన సోనాక్షి సిన్హా

గతంలో బాలకృష్ణ చేసిన కొన్ని చిత్రాలలో బాలీవుడ్ భామలు మెరిసిన సంగతి తెలిసిందే. ఆయన తదుపరి చిత్రంలోను బాలీవుడ్ భామను తీసుకోవడానికి సన్నాహాలు జరుగుతున్నట్టుగా సమాచారం. త్వరలో 'రూలర్' సినిమాతో ప్రేక్షకుల ముందుకు రానున్న బాలకృష్ణ, ఆ తరువాత సినిమాను బోయపాటితో చేయనున్నాడు.

యాక్షన్ ఎంటర్టైనర్ గా నిర్మితం కానున్న ఈ సినిమా త్వరలో పట్టాలెక్కనుంది. ఈ సినిమాలో కథానాయిక పాత్ర కోసం సోనాక్షి సిన్హాను సంప్రదిస్తున్నారట. ఆమె ఎంపిక దాదాపు ఖరారు కావొచ్చని అంటున్నారు. ఇక ప్రతి నాయకుడి పాత్ర కోసం సంజయ్ దత్ ను అనుకున్నారట. ఆయనతోను చర్చలు జరుగుతున్నాయని చెబుతున్నారు. ఈ ఇద్దరి రాక వలన ఈ ప్రాజెక్టు క్రేజ్ మరింత పెరగడం ఖాయమనే టాక్ ఫిల్మ్ నగర్లో వినిపిస్తోంది.