సునీల్ శెట్టి తనయుడు హీరోగా హిందీ 'ఆర్ ఎక్స్ 100'

బాలీవుడ్ సీనియర్ హీరో సునీల్ శెట్టి ప్రేక్షకుల హృదయాల్లో తనదైన ముద్రవేశాడు. సరైన కథతో తన తనయుడు అహన్ శెట్టిని హీరోగా పరిచయం చేయడానికి కొంతకాలంగా ప్రయత్నాలు చేస్తున్నాడు. ఆయన అనుకున్న కథ దొరకడంతో ఈ రోజున ఈ సినిమాను సెట్స్ పైకి తీసుకొచ్చేశాడు.

ఇంతకీ అహన్ శెట్టి చేసే సినిమా .. 'ఆర్ ఎక్స్ 100' రీమేక్. తెలుగులో అజయ్ భూపతి దర్శకత్వంలో కార్తికేయ హీరోగా తెరకెక్కిన 'ఆర్ ఎక్స్ 100' భారీ విజయాన్ని అందుకుంది. రొమాన్స్ తో కూడిన ఈ యాక్షన్ మూవీ యూత్ కి విపరీతంగా నచ్చేసింది. అందుకే సునీల్ శెట్టి ఈ కథను ఎంచుకున్నట్టుగా సమాచారం. మిలన్ లుథ్రియా దర్శకత్వం వహిస్తోన్న ఈ సినిమాలో, అహన్ శెట్టి జోడీగా తారా సుతారియా నటిస్తోంది.