Anushka Shetty: సినిమా కబుర్లు.. సంక్షిప్త సమాచారం

 *  తెలుగు టీవీ రియాలిటీ షో 'బిగ్ బాస్ 3'కి ఎవరు హోస్ట్ గా వ్యవహరిస్తారన్న విషయంలో సస్పెన్స్ కొనసాగుతోంది. ఈ విషయంలో నిన్నటి వరకు నాగార్జున పేరు వినిపించగా, తాజాగా అనుష్క శెట్టి పేరు తెరపైకి వచ్చింది. అనుష్కను ఎంచుకుంటే, గ్లామర్ తో పాటు కాస్త కొత్తదనం కూడా ఉంటుందన్న ఉద్దేశంతో ఆమెను సంప్రదిస్తున్నట్టు సమాచారం.
*  విజయవాడకు చెందిన దివంగత టీడీపీ నాయకుడు దేవినేని నెహ్రూ జీవిత కథ తెరకెక్కుతోంది. శివనాగు దర్శకత్వంలో రూపొందే ఈ చిత్రంలో నందమూరి తారకరత్న టైటిల్ రోల్ పోషిస్తున్నాడు. నిన్ననే ఈ చిత్రం పూజా కార్యక్రమాలు జరిగాయి.
*  గతంలో తెలుగులో వచ్చిన 'కాంచన' హిట్ చిత్రాన్ని ప్రస్తుతం బాలీవుడ్ లో రీమేక్ చేస్తున్నారు. అక్షయ్ కుమార్ హీరోగా లారెన్స్ దర్శకత్వంలో రూపొందుతున్న ఈ చిత్రానికి 'లక్ష్మీ బాంబ్' అనే టైటిల్ని నిర్ణయించారు. కైరా అద్వానీ హీరోయిన్ గా నటిస్తున్న ఈ చిత్రంలో మాధవన్ కీలక పాత్ర పోషిస్తున్నాడు.