చర్లపల్లిలో భారీ అగ్నిప్రమాదం.. రూ. 2 కోట్ల ఆస్తి బుగ్గిపాలు

హైదరాబాద్ శివారులోని చర్లపల్లి పారిశ్రామిక ప్రాంతంలో ఆదివారం అర్ధరాత్రి భారీ అగ్నిప్రమాదం సంభవించింది. దాదాపు రెండు కోట్ల రూపాయల ఆస్తి బుగ్గిపాలైనట్టు తెలుస్తోంది. అయితే, ప్రాణనష్టం లేకపోవడంతో అందరూ ఊపిరి పీల్చుకున్నారు ఫేజ్ త్రీలోని ఎస్ఈఆర్ ఎంటర్‌ప్రైజెస్‌లో ఈ ప్రమాదం జరిగింది. సమాచారం అందుకున్న కుషాయిగూడ పోలీసులు వెంటనే అప్రమత్తమై అగ్నిమాపక సిబ్బందికి సమాచారం అందించారు. ఘటనా స్థలానికి చేరుకున్న అగ్నిమాపక సిబ్బంది మంటలను అదుపు చేశారు. కేసు నమోదు చేసుకున్న పోలీసులు ప్రమాదానికి గల కారణాలపై ఆరా తీస్తున్నారు.