శృతి హరిహరన్ ఫిర్యాదుతో.. అర్జున్ పై బెంగళూరులో కేసు నమోదు!

ప్రముఖ సినీ నటుడు అర్జున్ పై బెంగళూరులోని కబ్బన్ పార్క్ పోలీస్ స్టేషన్ లో కేసు నమోదైంది. వివరాల్లోకి వెళ్తే, ఓ సినిమా షూటింగ్ సందర్భంగా తన పట్ల అర్జున్ అసభ్యకరంగా ప్రవర్తించాడంటూ హీరోయిన్ శృతి హరిహరన్ ఆరోపించిన సంగతి తెలిసిందే. దీంతో, శృతి క్షమాపణలు చెప్పాలని అర్జున్ డిమాండ్ చేశారు. ఆమె నిరాకరించడంతో కోర్టులో కేసు వేశారు. శుక్రవారం నాడు రూ. 5 కోట్లకు పరువు నష్టం దావా వేశారు.

ఈ నేపథ్యంలో అర్జున్ పై కబ్బన్ పార్క్ పీఎస్ లో శృతి ఫిర్యాదు చేసింది. 'విస్మయ' చిత్రం షూటింగ్ సందర్భంగా రిహార్సల్స్ చేస్తుండగా అర్జున్ తనను అసభ్యకరంగా తాకాడని ఫిర్యాదులో పేర్కొంది. ఫిర్యాదును స్వీకరించిన పోలీసులు అర్జున్ పై కేసు నమోదు చేశారు.