అద్దె ఇంట్లో ఉంటున్నాను .. నా తల్లి రుణం తీర్చుకోవడానికే ప్రైజ్ మనీ ఇచ్చేశాను: కౌశల్

తాజాగా టీవీ 9 ఇంటర్వ్యూలో జాఫర్ అడిగిన ప్రశ్నలకి కౌశల్ సమాధానాలిచ్చాడు. 'బిగ్ బాస్ హౌస్'లోకి వెళ్లడానికి కొన్ని రోజుల ముందు 'కౌశల్ ఆర్మీ'ని ఫామ్ చేసుకున్నారనే మాటలను కౌశల్ ఖండించాడు. నేను అంత డబ్బున్నవాడినే అయితే అద్దె ఇంట్లో ఉండేవాడిని కాదు గదా. నెలకి ఇరవైవేలు అద్దె కడతాను .. కారుకు లోన్ కట్టుకోవాలి. నాకు నిజంగా డబ్బు వుంటే యాభై లక్షల కోసం ఇంతమందితో ఇన్నిరకాలుగా మాటలు పడతానా?

డబ్బులున్న వాళ్లకి యాటిట్యూడ్ వుంటుంది. ఆ యాటిట్యూడ్ వున్నవాళ్లు అవతల వాళ్లు ఒక్కమాట అన్నా పడరు. 'నన్ను అంటావా' అని చెప్పేసి .. తలుపులు తీసేయండి అంటూ బయటికి వెళ్లిపోతారు. నాకు మదర్ సెంటిమెంట్ చాలా ఎక్కువ. నా తల్లి కేన్సర్ తో బాధపడుతూ చనిపోయింది. అలా మిగతా వాళ్ల తల్లులు ఆర్ధికంగా బాధపడకూడదనే నాకు వచ్చిన ప్రైజ్ మనీ అంతా కూడా ఇచ్చేశాను. నా తల్లి రుణం తీర్చుకోవడానికే అలా చేశాను" అని చెప్పుకొచ్చాడు.