తమిళనాడులో ఘోర రోడ్డు ప్రమాదం.. నుజ్జునుజ్జయిన బస్సులు!

తమిళనాడులోని సేలంలో ఈ రోజు ఘోర రోడ్డు ప్రమాదం సంభవించింది. సేలం-బెంగళూరు జాతీయ రహదారిపై రాంగ్ రూట్లో  ప్రయాణికులతో వస్తున్న ఓ బస్సు, ఎదురుగా వస్తున్న మరో బస్సును ఢీకొట్టడంతో 8 మంది దుర్మరణం చెందారు. ఈ ప్రమాదంలో మరో 37 మంది గాయపడ్డారు.

బెంగళూరు నుంచి సేలంకు ఓ బస్సు ఈ రోజు ఉదయం వస్తుండగా, సేలం నుంచి ధర్మపురికి రాంగ్ రూట్ లో వెళుతున్న బస్సు దీన్ని ఢీకొట్టింది. దీంతో ఇద్దరు మహిళలు సహా 8 మంది అక్కడికక్కడే చనిపోయారు. ప్రమాదం కారణంగా రెండు బస్సుల్లో గాయపడిన 37 మందిని అధికారులు హుటాహుటిన ఆసుపత్రికి తరలించి చికిత్స అందజేస్తున్నారు. ప్రమాదం నేపథ్యంలో రహదారిపై ట్రాఫిక్ స్తంభించింది.