rajamouli: రాజమౌళి మల్టీస్టారర్ మూవీ టైటిల్ ఇదేనా?

రాజమౌళి తన తాజా చిత్రం కోసం కథపై చాలాకాలం పాటు కసరత్తు చేశారు. ఈ కథకి సరైన కథానాయకులు ఎన్టీఆర్ .. చరణ్ అంటూ వాళిద్దరినీ ఒప్పించారు. అప్పటి నుంచి అంతా ఈ సినిమా ఎప్పుడు సెట్స్ పైకి వెళుతుందా అని ఎంతో ఆసక్తిగా ఎదురుచూస్తున్నారు. ఈ సినిమా కోసం ఎంత బడ్జెట్ ను కేటాయించారు?ఎలాంటి టైటిల్ పెట్టనున్నారు? అనేది అందరిలో ఆసక్తిని రేకెత్తిస్తోంది.

ఈ నేపథ్యంలో ఈ సినిమాకి 'ఇద్దరూ ఇద్దరే' అనే టైటిల్ ను రాజమౌళి పరిశీలిస్తున్నట్టుగా చెప్పుకుంటున్నారు. ఎన్టీఆర్ .. చరణ్ పాత్రలు రెండూ సమానంగా ఉంటాయట. ఈ రెండు పాత్రలు కూడా పోటీపడుతూ సమాంతరంగా సాగుతాయి. అందువల్లనే ఈ టైటిల్ అయితే కరెక్ట్ గా ఉంటుందని భావిస్తున్నట్టు సమాచారం. ఇందులో వాస్తవమెంతన్నది చూడాలి మరి. ఆగస్టు నుంచి నటీనటుల ఎంపికను మొదలెట్టి .. అక్టోబర్ నుంచి రెగ్యులర్ షూటింగుకి వెళతారట.