ప్రముఖ సింగర్ ఉదిత్ నారాయణ్ కుమారుడు అరెస్ట్!

ప్రముఖ గాయకుడు ఉదిత్ నారాయణ్ కుమారుడు ఆదిత్య నారాయణ్‌ను ముంబై పోలీసులు అరెస్ట్ చేశారు. సోమవారం ఆయన తన కారులో ప్రయాణిస్తూ అంధేరీ ప్రాంతంలోని లోఖండ్‌వాలా సర్కిల్ వద్ద ఓ రిక్షాను ఢీకొట్టాడు. ఈ ప్రమాదంలో రిక్షా కార్మికుడు, ఓ ప్రయాణికురాలు తీవ్రంగా గాయపడ్డారు. ఆదిత్యపై సెక్షన్ 338, 279 కింద కేసులు నమోదు చేసిన వెర్సోవా పోలీసులు అతడిని అదుపులోకి తీసుకున్నారు.

అనంతరం రూ.10వేల పూచీకత్తుతో బెయిలుపై విడుదల చేశారు. కారు యూటర్న్ తీసుకుంటున్న సమయంలో ప్రమాదం జరిగినట్టు పోలీసులు తెలిపారు. ఈ ఘటనపై దర్యాప్తు జరుపుతున్నట్టు చెప్పారు. కాగా, ప్రమాదంలో గాయపడిన రిక్షా కార్మికుడు, ప్రయాణికురాలిని ఆదిత్య వెంటనే కోకిలాబెన్ ధీరుబాయ్ అంబానీ ఆసుపత్రికి తరలించినట్టు పోలీసులు తెలిపారు. ఆదిత్య నారాయణ్ పలు సినిమాల్లో పాటలు పాడాడు.