వంద వికెట్ల క్లబ్ లో చేరిన ఉమేష్ యాదవ్

టీమిండియా బౌలర్ ఉమేష్ యాదవ్ మరో ఘనతను సాధించాడు. వన్డేల్లో వంద వికెట్ క్లబ్ (102) లోకి అడుగుపెట్టాడు. ఆస్ట్రేలియాతో బెంగళూరులో జరుగుతున్న నాలుగో వన్డేలో ఉమేష్ ఈ ఘనత సాధించాడు. ఈ మ్యాచ్ లో ఉమేష్ నాలుగు వికెట్లు తీశాడు. మొత్తంమీద 71 వన్డేల్లో 69 ఇన్నింగ్స్ లలో ఉమేష్ ఈ రికార్డును సొంతం చేసుకున్నాడు.  మరోవైపు టెస్టుల్లో కూడా ఉమేష్ 100 వికెట్లకు చేరువలో ఉన్నాడు. 34 మ్యాచ్ లు ఆడిన అతను ఇప్పటి వరకు 94 వికెట్లను పడగొట్టాడు.