పరమశివుడు లింగ రూపంలోనే తన భక్తులకు దర్శనమిస్తుంటాడు. ఆయన మూర్తి రూపంగా దర్శనమిచ్చే క్షేత్రాలు చాలా తక్కువ. ఇక విష్ణుమూర్తి మాదిరిగా శయన భంగిమలో దర్శనమిచ్చే క్షేత్రం మాత్రం ఒక్కటే వుంది .. అదే 'పళ్లికొండేశ్వర స్వామి' క్షేత్రం. మహిమాన్వితమైన ఈ క్షేత్రం చిత్తూరు జిల్లా 'సురుటుపల్లి'లో వెలుగొందుతోంది. క్షీరసాగర మథన సమయంలో వెలువడిన హాలాహలాన్ని లోక కల్యాణం కోసం మింగిన శివుడు, ఆ విష ప్రభావం కారణంగా అమ్మవారి ఒడిలో కాసేపు విశ్రమించాడు. అందువల్లనే స్వామి శయన భంగిమలో కనిపిస్తాడు.
ఈ క్షేత్రంలోనే 'రామలింగేశ్వర స్వామి' పూజాభిషేకాలు అందుకుంటూ ఉంటాడు. స్వామి దర్శనం కోసం సీతారాములు .. హనుమ .. లక్ష్మణ .. భరత .. శత్రుఘ్నులు .. లవకుశులు ఈ క్షేత్రానికి వచ్చినట్టుగా స్థలపురాణం చెబుతోంది. శ్రీరాముడు ప్రతిష్ఠించిన కారణంగానే స్వామివారిని రామలింగేశ్వరుడుగా కొలుస్తుంటారు. ఇక్కడే చిన్న చిన్న పాద ముద్రలు కూడా కనిపిస్తాయి. అవి లవకుశులవని స్థానికులు చెబుతుంటారు. ఈ క్షేత్ర దర్శనం వలన సమస్త పాపలు .. దోషాలు తొలగిపోయి, సకల శుభాలు కలుగుతాయని విశ్వసిస్తూ వుంటారు.
ఈ క్షేత్రంలోనే 'రామలింగేశ్వర స్వామి' పూజాభిషేకాలు అందుకుంటూ ఉంటాడు. స్వామి దర్శనం కోసం సీతారాములు .. హనుమ .. లక్ష్మణ .. భరత .. శత్రుఘ్నులు .. లవకుశులు ఈ క్షేత్రానికి వచ్చినట్టుగా స్థలపురాణం చెబుతోంది. శ్రీరాముడు ప్రతిష్ఠించిన కారణంగానే స్వామివారిని రామలింగేశ్వరుడుగా కొలుస్తుంటారు. ఇక్కడే చిన్న చిన్న పాద ముద్రలు కూడా కనిపిస్తాయి. అవి లవకుశులవని స్థానికులు చెబుతుంటారు. ఈ క్షేత్ర దర్శనం వలన సమస్త పాపలు .. దోషాలు తొలగిపోయి, సకల శుభాలు కలుగుతాయని విశ్వసిస్తూ వుంటారు.
