ఖరీదైన మద్యం బాటిళ్లలో చీప్ లిక్కర్.. హైదరాబాద్‌లో కల్తీ మద్యం గుట్టురట్టు

Telangana
Advertisement
  • బ్రాండెడ్ బాటిళ్లలో చీప్ లిక్కర్.. ఎక్సైజ్ టాస్క్‌ఫోర్స్ దాడిలో దొరికిపోయిన కేటుగాళ్లు
  • ప్రధాన నిందితుడు అశోక్‌తో పాటు స్క్రాప్ వ్యాపారి అరెస్ట్
  • ఘటనా స్థలంలో 10 కల్తీ మద్యం సీసాలు 30 ఖాళీ బాటిళ్లు స్వాధీనం
  • పక్కా సమాచారంతో దాడి చేసిన ఎక్సైజ్ టాస్క్‌ఫోర్స్ బృందం
హైదరాబాద్‌లో ఖరీదైన మద్యం బ్రాండ్ల పేరిట సాగుతున్న భారీ మోసాన్ని ఎక్సైజ్ అధికారులు బట్టబయలు చేశారు. ఖరీదైన మద్యం సీసాలలో చీప్ లిక్కర్ నింపి మార్కెట్లో విక్రయిస్తున్న ముఠా గుట్టును ఎక్సైజ్ టాస్క్‌ఫోర్స్ పోలీసులు రట్టు చేశారు. ఈ అక్రమ దందాకు సంబంధించి ఇద్దరు నిందితులను అరెస్ట్ చేశారు.

వివరాల్లోకి వెళితే.. శంషాబాద్ పరిధిలోని శాతరాయికి చెందిన అశోక్ అనే వ్యక్తి గతంలో 'బగ్గా డిస్టిలరీ'లో పనిచేశాడు. అనంతరం క్యాబ్ డ్రైవర్‌గా జీవనం సాగిస్తున్నాడు. అయితే మద్యం తయారీ, ప్యాకింగ్‌పై ఉన్న అవగాహనతో సులభంగా డబ్బు సంపాదించవచ్చని భావించాడు. ఇందులో భాగంగా తన ఇంట్లోనే నకిలీ మద్యం దందాను మొదలుపెట్టాడు.

స్థానికంగా ఉండే యాకూబ్ పాషా అనే స్క్రాప్ దుకాణం యజమాని నుంచి ఖరీదైన బ్రాండ్లకు చెందిన ఖాళీ మద్యం సీసాలను సేకరించేవాడు. వాటిని శుభ్రం చేసి, దాదాపు రూ.560 విలువైన "డౌన్ టెన్" అనే చౌకబారు మద్యాన్ని ఆ సీసాలలో నింపేవాడు. ఆపై వాటిని ఖరీదైన ఒరిజినల్ మద్యం బాటిళ్లుగా నమ్మించి కస్టమర్లకు డెలివరీ చేసేవాడు.

ఈ అక్రమ వ్యవహారంపై ఎక్సైజ్ కానిస్టేబుల్ ధనుంజయ్ జిల్లా టాస్క్‌ఫోర్స్ అధికారులకు పక్కా సమాచారం అందించారు. దీంతో అప్రమత్తమైన టాస్క్‌ఫోర్స్ సిబ్బంది అశోక్ నివాసంపై ఆకస్మికంగా దాడి చేశారు. ఆ సమయంలో బాటిళ్లలో చౌకబారు మద్యాన్ని నింపుతుండగా నిందితుడిని రెడ్ హ్యాండెడ్‌గా పట్టుకున్నారు. ఘటనా స్థలం నుంచి కల్తీ మద్యంతో నింపిన 10 పూర్తి సీసాలు, అలాగే మరో 30 ఖాళీ ప్రీమియం బాటిళ్లను అధికారులు స్వాధీనం చేసుకున్నారు.

ఖాళీ సీసాలను సరఫరా చేస్తున్న స్క్రాప్ వ్యాపారి యాకూబ్ పాషాను కూడా ఎక్సైజ్ అధికారులు అదుపులోకి తీసుకున్నారు. నిందితులపై కేసు నమోదు చేసి రిమాండ్‌కు తరలించారు. ఈ కల్తీ మద్యాన్ని ఎవరెవరికి విక్రయించారు, ఈ ముఠా వెనుక ఇంకా ఎవరైనా ఉన్నారా అనే కోణంలో అధికారులు దర్యాప్తు కొనసాగిస్తున్నారు.
Advertisement

సంబంధిత వార్తలు

Excise Task ForceHyderabad Adulterated LiquorFake Liquor RacketCheap Liquor In Branded BottlesTelangana Excise RaidAshok Arrested Liquor

More Telugu News

మోదీ చాలా 'టఫ్ మ్యాన్'.. క్వాడ్ వేదికగా భారత ప్రధానిపై ట్రంప్ వ్యాఖ్యలు

17 Nov, 17:15

ఓటీటీకి తమిళ రొమాంటిక్ యాక్షన్ థ్రిల్లర్!

17 Nov, 17:02

గుర్నూర్‌ బ్రార్‌ను మందలించిన ఐసీసీ.. ఓ డీమెరిట్‌ పాయింట్‌తో శిక్ష

17 Nov, 17:00

మళ్లీ భయమేస్తోంది.. ఇద్దరు దోషులకు సుప్రీం బెయిల్‌పై బిల్కిస్ బానో ఆవేదన

17 Nov, 16:52

మార్కెట్లలో బుల్ రన్.. 9 నెలల గరిష్ఠానికి నిఫ్టీ.. ఆల్‌టైమ్ రికార్డులో బ్యాంక్ నిఫ్టీ!

17 Nov, 16:51

10 గంటల శ్రమ ఫలించింది.. కోనసీమ ఓఎన్జీసీ బావి మంటలు అదుపులోకి!

17 Nov, 16:27

అక్వాన్ ఎఫెక్ట్.. నెల్లూరులో 200 మీటర్లు ముందుకొచ్చిన సముద్రం

17 Nov, 16:17

తండ్రి వయసున్న వ్యక్తికి శుభలేఖ అందిస్తే చెట్టాపట్టాల్ అంటారా?: షర్మిల

17 Nov, 16:15

తెలంగాణ ఇచ్చింది సోనియమ్మే అయితే.. ఆత్మకథలో ఎందుకు రాయలేదు?: కేటీఆర్

17 Nov, 16:03

అశ్విన్ విశ్లేషణ అక్షరాలా నిజమైంది.. ధోనీ రిటైర్మెంట్‌పై మాజీ స్పిన్నర్ ఊహించినట్లే జరిగింది!

17 Nov, 15:59

సమ్మక్క సాగర్‌ బ్యారేజీకి ఎన్‌ఓసీ ఇవ్వండి: ఛత్తీస్‌గఢ్‌ సీఎంకు రేవంత్ రెడ్డి విజ్ఞప్తి

17 Nov, 15:49

ఐఫోన్ డ్యూయో కోసం కొత్త ఫీచర్లు.. యాపిల్ నుంచి సూపర్ అప్‌డేట్!

17 Nov, 15:48

భారత్‌లో ఇన్‌స్టాగ్రామ్‌లో కీలక మార్పులు.. ఆ కంటెంట్‌కు చెక్!

17 Nov, 15:35

మనిషి మొహంలో పిల్లి రూపం కనిపిస్తోంది: బ్రెయిన్ సర్జరీ తర్వాత యువకుడికి వచ్చిన వింత వ్యాధి!

17 Nov, 15:30
..More Telugu News