'ఆర్‌సీ17' పూజా కార్యక్రమం.. స్పెష‌ల్ అట్రాక్ష‌న్‌గా మెగాస్టార్ చిరంజీవి

మెగా పవర్ స్టార్ రామ్ చరణ్, స్టార్ డైరెక్టర్ సుకుమార్ కాంబినేషన్‌లో ఎంతో ఆసక్తిగా ఎదురుచూస్తున్న కొత్త చిత్రం అధికారికంగా ప్రారంభమైంది. 'ఆర్‌సీ17' అనే వర్కింగ్ టైటిల్‌తో తెరకెక్కుతున్న ఈ సినిమా పూజా కార్యక్రమాన్ని నేడు హైదరాబాద్‌లో ఘనంగా నిర్వహించారు. ఈ వేడుకకు మెగాస్టార్ చిరంజీవి ముఖ్య అతిథిగా హాజరై, ముహూర్తపు సన్నివేశానికి క్లాప్ కొట్టి చిత్ర బృందానికి శుభాకాంక్షలు తెలిపారు.

బ్లాక్‌బస్టర్ హిట్ ‘రంగస్థలం’ తర్వాత రామ్ చరణ్, సుకుమార్ కలిసి పనిచేస్తుండటంతో ఈ ప్రాజెక్ట్‌పై భారీ అంచనాలు నెలకొన్నాయి. మైత్రీ మూవీ మేకర్స్, సుకుమార్ రైటింగ్స్, టీ-సిరీస్ సంయుక్తంగా ఈ చిత్రాన్ని నిర్మిస్తున్నాయి. ఈ లాంచింగ్ ఈవెంట్‌కు పలువురు సినీ ప్రముఖులు హాజరయ్యారు.

త్వరలోనే రెగ్యులర్ షూటింగ్ ప్రారంభించనున్నట్లు చిత్ర యూనిట్ వెల్లడించింది. హీరోయిన్, ఇతర నటీనటులు, సాంకేతిక నిపుణుల వివరాలను త్వరలో అధికారికంగా ప్రకటిస్తామని నిర్మాతలు తెలిపారు. ‘రంగస్థలం’ వంటి ఇండస్ట్రీ హిట్‌ తర్వాత ఈ కాంబోలో వస్తున్న సినిమా కావడంతో అభిమానుల్లో ఉత్కంఠ నెలకొంది.