రైల్లో పెద్ద శబ్దంతో పాటలు వింటున్నారా? జైలు శిక్ష పడొచ్చు!
- రైళ్లలో పెద్ద శబ్దాలతో పాటలు, వీడియోలు వినడంపై రైల్వే దృష్టి
- తొలిసారి ఉల్లంఘనకు రూ.1,000 వరకు జరిమానా విధించే అవకాశం
- పదేపదే ఇబ్బంది కలిగిస్తే ఆరు నెలల వరకు జైలు శిక్ష
- పునరావృత ఉల్లంఘనలకు రూ.5,000 వరకు జరిమానా కూడా పడే ఛాన్స్‌
- ఇయర్‌ఫోన్లు వాడాలని ప్రయాణికులకు సూచన
- చర్యల నివేదికలను అక్టోబర్‌ 20లోగా పంపాలని ఆదేశం
రైలు ప్రయాణంలో మొబైల్‌ ఫోన్‌లో పెద్ద శబ్దంతో పాటలు వినడం, వీడియోలు చూడటం, ఫోన్‌లో గట్టిగా మాట్లాడటం వంటి చర్యలు ఇకపై ఇబ్బందుల్లో పడేసే అవకాశం ఉంది. తోటి ప్రయాణికులకు అసౌకర్యం కలిగించేలా ప్రవర్తిస్తే జరిమానాతో పాటు జైలు శిక్ష కూడా ఎదుర్కోవాల్సి రావచ్చు. ఈ మేరకు దక్షిణాది రైల్వే (Southern Railway) పరిధిలోని రైళ్లు, స్టేషన్లలో పెద్ద శబ్దాలను నియంత్రించేందుకు కొత్త ఆదేశాలు జారీ చేసింది. నిబంధనలు ఉల్లంఘిస్తే తొలిసారి రూ.1,000 వరకు జరిమానా విధించే అవకాశం ఉంది. హెచ్చరించినా పదేపదే ఇబ్బంది కలిగిస్తే ఆరు నెలల వరకు సాధారణ జైలు శిక్ష, రూ.5,000 వరకు జరిమానా లేదా రెండూ విధించవచ్చు.
చెన్నైలోని దక్షిణ రైల్వే ప్రధాన కార్యాలయం జారీ చేసిన లేఖలో ఈ విషయాన్ని వెల్లడించింది. రైళ్లలో, స్టేషన్లలో మొబైల్‌ స్పీకర్ల ద్వారా పెద్ద శబ్దంతో పాటలు, వీడియోలు వినిపించడం వల్ల ఇతర ప్రయాణికుల ప్రశాంతతకు భంగం కలుగుతోందని పేర్కొంది. ముఖ్యంగా సుదీర్ఘ ప్రయాణాలు చేసేవారు, విశ్రాంతి తీసుకోవాలనుకునేవారు ఇబ్బందులు ఎదుర్కొంటున్నారని తెలిపింది.
ప్రయాణికులకు అవగాహన కల్పించేందుకు రైళ్లు, స్టేషన్లలో ప్రకటనలు చేయాలని రైల్వే డివిజన్లను ఆదేశించింది. హిందీ, ఇంగ్లిష్‌తో పాటు ప్రాంతీయ భాషల్లోనూ ప్రకటనలు చేయాలని సూచించింది. మొబైల్‌లో పాటలు, వీడియోలు వినేటప్పుడు ఇయర్‌ఫోన్లు ఉపయోగించాలని, ఫోన్‌లో గట్టిగా మాట్లాడకూడదని ప్రయాణికులకు తెలియజేయనున్నారు.
ఈ ఆదేశాలకు 2012 జులై 23న రైల్వే బోర్డు జారీ చేసిన సూచనలు కూడా ఆధారంగా ఉన్నాయి. అప్పట్లోనే మొబైల్‌లో ఎక్కువసేపు గట్టిగా మాట్లాడటం, పెద్ద శబ్దంతో రింగ్‌టోన్లు పెట్టుకోవడం వల్ల తోటి ప్రయాణికులకు అసౌకర్యం కలుగుతుందని బోర్డు పేర్కొంది. ముఖ్యంగా ఏసీ బోగీల్లో ఇలాంటి సమస్యలు ఎక్కువగా ఉంటాయని తెలిపింది. ఫోన్లను సైలెంట్‌ లేదా వైబ్రేషన్‌ మోడ్‌లో ఉంచాలని సూచించింది.
రైల్వే చట్టంలోని సెక్షన్‌ 145 ప్రకారం రైల్వే ప్రాంగణంలో ఇతరులకు ఇబ్బంది కలిగించే ప్రవర్తనపై చర్యలు తీసుకోవచ్చు. నిబంధనల ప్రకారం, ఇబ్బంది కలిగించే వ్యక్తిని రైల్వే ప్రాంగణం నుంచి తొలగించే అవకాశం ఉంది. పరిస్థితులను బట్టి టికెట్‌ లేదా పాస్‌ను స్వాధీనం చేసుకోవచ్చు. రూ.1,000 వరకు జరిమానా విధించవచ్చు. చట్టబద్ధమైన హెచ్చరికను పట్టించుకోకుండా మళ్లీ అదే విధంగా ప్రవర్తిస్తే ఆరు నెలల వరకు సాధారణ జైలు శిక్ష, రూ.5,000 వరకు జరిమానా లేదా రెండూ విధించే అవకాశం ఉందని దక్షిణ రైల్వే ఆదేశాల్లో పేర్కొంది.
అయితే, మొబైల్‌లో పాటలు విన్నంత మాత్రాన ప్రతి సందర్భంలోనూ జైలు శిక్ష పడుతుందని అర్థం కాదు. ఇతరులకు ఇబ్బంది కలిగించే ప్రవర్తన, పరిస్థితులు, వర్తించే చట్ట నిబంధనలను బట్టి చర్యలు ఉంటాయి. నిబంధనల అమలుపై తీసుకున్న చర్యల నివేదికలను 2026 అక్టోబర్‌ 20లోగా ప్రధాన కార్యాలయానికి పంపాలని సంబంధిత డివిజన్లను రైల్వే కోరింది. ప్రయాణికులందరికీ ప్రశాంతమైన, సౌకర్యవంతమైన ప్రయాణం కల్పించడమే ఈ చర్యల ఉద్దేశమని ఉన్నతాధికారి తెలిపారు.
చెన్నైలోని దక్షిణ రైల్వే ప్రధాన కార్యాలయం జారీ చేసిన లేఖలో ఈ విషయాన్ని వెల్లడించింది. రైళ్లలో, స్టేషన్లలో మొబైల్‌ స్పీకర్ల ద్వారా పెద్ద శబ్దంతో పాటలు, వీడియోలు వినిపించడం వల్ల ఇతర ప్రయాణికుల ప్రశాంతతకు భంగం కలుగుతోందని పేర్కొంది. ముఖ్యంగా సుదీర్ఘ ప్రయాణాలు చేసేవారు, విశ్రాంతి తీసుకోవాలనుకునేవారు ఇబ్బందులు ఎదుర్కొంటున్నారని తెలిపింది.
ప్రయాణికులకు అవగాహన కల్పించేందుకు రైళ్లు, స్టేషన్లలో ప్రకటనలు చేయాలని రైల్వే డివిజన్లను ఆదేశించింది. హిందీ, ఇంగ్లిష్‌తో పాటు ప్రాంతీయ భాషల్లోనూ ప్రకటనలు చేయాలని సూచించింది. మొబైల్‌లో పాటలు, వీడియోలు వినేటప్పుడు ఇయర్‌ఫోన్లు ఉపయోగించాలని, ఫోన్‌లో గట్టిగా మాట్లాడకూడదని ప్రయాణికులకు తెలియజేయనున్నారు.
ఈ ఆదేశాలకు 2012 జులై 23న రైల్వే బోర్డు జారీ చేసిన సూచనలు కూడా ఆధారంగా ఉన్నాయి. అప్పట్లోనే మొబైల్‌లో ఎక్కువసేపు గట్టిగా మాట్లాడటం, పెద్ద శబ్దంతో రింగ్‌టోన్లు పెట్టుకోవడం వల్ల తోటి ప్రయాణికులకు అసౌకర్యం కలుగుతుందని బోర్డు పేర్కొంది. ముఖ్యంగా ఏసీ బోగీల్లో ఇలాంటి సమస్యలు ఎక్కువగా ఉంటాయని తెలిపింది. ఫోన్లను సైలెంట్‌ లేదా వైబ్రేషన్‌ మోడ్‌లో ఉంచాలని సూచించింది.
రైల్వే చట్టంలోని సెక్షన్‌ 145 ప్రకారం రైల్వే ప్రాంగణంలో ఇతరులకు ఇబ్బంది కలిగించే ప్రవర్తనపై చర్యలు తీసుకోవచ్చు. నిబంధనల ప్రకారం, ఇబ్బంది కలిగించే వ్యక్తిని రైల్వే ప్రాంగణం నుంచి తొలగించే అవకాశం ఉంది. పరిస్థితులను బట్టి టికెట్‌ లేదా పాస్‌ను స్వాధీనం చేసుకోవచ్చు. రూ.1,000 వరకు జరిమానా విధించవచ్చు. చట్టబద్ధమైన హెచ్చరికను పట్టించుకోకుండా మళ్లీ అదే విధంగా ప్రవర్తిస్తే ఆరు నెలల వరకు సాధారణ జైలు శిక్ష, రూ.5,000 వరకు జరిమానా లేదా రెండూ విధించే అవకాశం ఉందని దక్షిణ రైల్వే ఆదేశాల్లో పేర్కొంది.
అయితే, మొబైల్‌లో పాటలు విన్నంత మాత్రాన ప్రతి సందర్భంలోనూ జైలు శిక్ష పడుతుందని అర్థం కాదు. ఇతరులకు ఇబ్బంది కలిగించే ప్రవర్తన, పరిస్థితులు, వర్తించే చట్ట నిబంధనలను బట్టి చర్యలు ఉంటాయి. నిబంధనల అమలుపై తీసుకున్న చర్యల నివేదికలను 2026 అక్టోబర్‌ 20లోగా ప్రధాన కార్యాలయానికి పంపాలని సంబంధిత డివిజన్లను రైల్వే కోరింది. ప్రయాణికులందరికీ ప్రశాంతమైన, సౌకర్యవంతమైన ప్రయాణం కల్పించడమే ఈ చర్యల ఉద్దేశమని ఉన్నతాధికారి తెలిపారు.
