స్విస్ టూరిజం అంబాసిడర్‌గా జెమీమా రోడ్రిగ్స్.. భారత యువతను ఆకర్షించేందుకు ప్లాన్
- స్విస్‌లోని కొత్త పర్యాటక ప్రాంతాలను పరిచయం చేయనున్న జెమీమా
- బెంగళూరులో అధికారికంగా ప్రకటించిన స్విస్ టూరిజం
- ఏడాది పొడవునా స్విట్జర్లాండ్‌లో పర్యటించనున్న భారత క్రికెటర్
భారత మహిళా క్రికెట్ జట్టు స్టార్ ప్లేయర్ జెమీమా రోడ్రిగ్స్‌కు అరుదైన గౌరవం దక్కింది. స్విట్జర్లాండ్ టూరిజం సంస్థ ఆమెను తమ 'ఫ్రెండ్‌షిప్ అంబాసిడర్‌ ఫర్ ఇండియా'గా నియమించింది. భారత్ నుంచి, ముఖ్యంగా యువ ప్రయాణికులను స్విట్జర్లాండ్‌కు అధిక సంఖ్యలో ఆకర్షించడమే లక్ష్యంగా ఈ ఒప్పందం కుదుర్చుకుంది. అక్టోబర్ 15న బెంగళూరులో జరిగిన ఒక కార్యక్రమంలో స్విట్జర్లాండ్ టూరిజం సీఈఓ మార్టిన్ నైడెగ్గర్ సమక్షంలో ఈ విషయాన్ని అధికారికంగా ప్రకటించారు.
ఈ ఒప్పందం ప్రకారం.. జెమీమా స్విట్జర్లాండ్‌లోని నాలుగు కాలాల్లో పర్యటించి, అక్కడి అనుభవాలను భారతీయులతో పంచుకోనుంది. కేవలం ప్రసిద్ధ పర్యాటక ప్రదేశాలే కాకుండా అంతగా ప్రాచుర్యం లేని కొత్త ప్రాంతాలు, స్థానిక సంస్కృతి, సాహస క్రీడలు వంటి వాటిని కూడా ఆమె తన పర్యటనలో ప్రమోట్ చేయనుంది.
స్విట్జర్లాండ్‌కు అత్యధికంగా పర్యాటకులను పంపే టాప్ 10 దేశాల్లో భారత్ ఒకటిగా ఉండటంతో ఈ బంధాన్ని మరింత బలోపేతం చేసుకోవాలని స్విస్ టూరిజం భావిస్తోంది. 'ట్రావెల్ బెటర్' అనే తమ ఫిలాసఫీకి అనుగుణంగా, తక్కువ రోజుల్లో ఎక్కువ ప్రదేశాలు కాకుండా, ఒకే ప్రాంతంలో ఎక్కువ రోజులు ఉండి సంపూర్ణంగా ఆస్వాదించే ప్రయాణాలను ప్రోత్సహించడం కూడా ఈ ప్రచారంలో భాగం.
ఈ నియామకంపై జెమీమా రోడ్రిగ్స్ మాట్లాడుతూ.. "భారత్‌కు ప్రాతినిధ్యం వహించడం నాకు ఎంతో ప్రత్యేకం. నేను ఎక్కడికి వెళ్లినా నా దేశాన్ని నాతో పాటు తీసుకెళతాను. మనకు తెలిసిన స్విట్జర్లాండ్‌కు మించి, అక్కడి కొత్త విషయాలు, ప్రదేశాలను కనుగొనే అవకాశం రావడం నాకు ఎంతో ఉత్సాహాన్నిస్తోంది. అక్కడి ప్రజలను కలవడం, కొత్త అనుభవాలను పొందడం, ఆ క్షణాలను తిరిగి మన దేశ ప్రజలతో పంచుకోవడం కోసం ఎదురుచూస్తున్నాను" అని తెలిపింది.
స్విస్ టూరిజం సీఈఓ మార్టిన్ నైడెగ్గర్ మాట్లాడుతూ.. "ప్రస్తుత భారత ప్రయాణికులు ప్రామాణికమైన, వ్యక్తిగత అనుభవాలను కోరుకుంటున్నారు. జెమీమా ఉత్సాహం, అందరితో సులభంగా కలిసిపోయే ఆమె తత్వం మా ప్రచారానికి సరిగ్గా సరిపోతాయి" అని వివరించారు.
ఈ ప్రచారానికి సంబంధించిన ఒక ట్రైలర్‌ను కూడా విడుదల చేశారు. ఇందులో జెమీమా ఇంటర్‌లేకెన్‌లో జెట్‌బోట్ రైడ్, స్విస్ చాక్లెట్ తయారీ, జ్యూరిచ్‌లో ఈ-బైక్, ఈ-బోట్ రైడ్ వంటివి ఆస్వాదిస్తూ కనిపించింది. ఈ ఏడాది ఆరంభంలో తొడ కండరాల గాయం నుంచి కోలుకుంటున్న జెమీమాకు, ఈ కొత్త బాధ్యత మరింత ఉత్సాహాన్నిచ్చే అంశం.
ఈ ఒప్పందం ప్రకారం.. జెమీమా స్విట్జర్లాండ్‌లోని నాలుగు కాలాల్లో పర్యటించి, అక్కడి అనుభవాలను భారతీయులతో పంచుకోనుంది. కేవలం ప్రసిద్ధ పర్యాటక ప్రదేశాలే కాకుండా అంతగా ప్రాచుర్యం లేని కొత్త ప్రాంతాలు, స్థానిక సంస్కృతి, సాహస క్రీడలు వంటి వాటిని కూడా ఆమె తన పర్యటనలో ప్రమోట్ చేయనుంది.
స్విట్జర్లాండ్‌కు అత్యధికంగా పర్యాటకులను పంపే టాప్ 10 దేశాల్లో భారత్ ఒకటిగా ఉండటంతో ఈ బంధాన్ని మరింత బలోపేతం చేసుకోవాలని స్విస్ టూరిజం భావిస్తోంది. 'ట్రావెల్ బెటర్' అనే తమ ఫిలాసఫీకి అనుగుణంగా, తక్కువ రోజుల్లో ఎక్కువ ప్రదేశాలు కాకుండా, ఒకే ప్రాంతంలో ఎక్కువ రోజులు ఉండి సంపూర్ణంగా ఆస్వాదించే ప్రయాణాలను ప్రోత్సహించడం కూడా ఈ ప్రచారంలో భాగం.
ఈ నియామకంపై జెమీమా రోడ్రిగ్స్ మాట్లాడుతూ.. "భారత్‌కు ప్రాతినిధ్యం వహించడం నాకు ఎంతో ప్రత్యేకం. నేను ఎక్కడికి వెళ్లినా నా దేశాన్ని నాతో పాటు తీసుకెళతాను. మనకు తెలిసిన స్విట్జర్లాండ్‌కు మించి, అక్కడి కొత్త విషయాలు, ప్రదేశాలను కనుగొనే అవకాశం రావడం నాకు ఎంతో ఉత్సాహాన్నిస్తోంది. అక్కడి ప్రజలను కలవడం, కొత్త అనుభవాలను పొందడం, ఆ క్షణాలను తిరిగి మన దేశ ప్రజలతో పంచుకోవడం కోసం ఎదురుచూస్తున్నాను" అని తెలిపింది.
స్విస్ టూరిజం సీఈఓ మార్టిన్ నైడెగ్గర్ మాట్లాడుతూ.. "ప్రస్తుత భారత ప్రయాణికులు ప్రామాణికమైన, వ్యక్తిగత అనుభవాలను కోరుకుంటున్నారు. జెమీమా ఉత్సాహం, అందరితో సులభంగా కలిసిపోయే ఆమె తత్వం మా ప్రచారానికి సరిగ్గా సరిపోతాయి" అని వివరించారు.
ఈ ప్రచారానికి సంబంధించిన ఒక ట్రైలర్‌ను కూడా విడుదల చేశారు. ఇందులో జెమీమా ఇంటర్‌లేకెన్‌లో జెట్‌బోట్ రైడ్, స్విస్ చాక్లెట్ తయారీ, జ్యూరిచ్‌లో ఈ-బైక్, ఈ-బోట్ రైడ్ వంటివి ఆస్వాదిస్తూ కనిపించింది. ఈ ఏడాది ఆరంభంలో తొడ కండరాల గాయం నుంచి కోలుకుంటున్న జెమీమాకు, ఈ కొత్త బాధ్యత మరింత ఉత్సాహాన్నిచ్చే అంశం.
