ఫ్రెండ్ కేఫ్‌కు సల్మాన్ ఖాన్ ఫన్నీ వార్నింగ్.. 'ఆయన్ను' పంపిస్తా జాగ్రత్త!

బాలీవుడ్ అగ్ర కథానాయకుడు సల్మాన్ ఖాన్ తన స్నేహితురాలు కొత్తగా ప్రారంభించిన కేఫ్‌కు సంబంధించి సోషల్ మీడియా వేదికగా ఒక ఆసక్తికరమైన పోస్ట్ చేశారు. ఆహార నాణ్యత, పరిశుభ్రత విషయంలో ఏమాత్రం రాజీ పడినా, ఒక కఠినమైన అధికారిని తనిఖీలకు పంపిస్తానంటూ ఆయన సరదాగా హెచ్చరించారు.

ముంబైలోని బాంద్రాలో 'ది టక్ షాప్ ఎట్ సేవియోస్' పేరుతో సల్మాన్ స్నేహితురాలు ఓ కేఫ్‌ను కొత్తగా ప్రారంభించారు. ఈ కేఫ్ యజమాని పోస్ట్ చేసిన వీడియోను సల్మాన్ ఖాన్ తన ఇన్‌స్టాగ్రామ్ స్టోరీలో రీషేర్ చేశారు. దీనికి తన సందేశాన్ని జోడించారు. "దయచేసి నా కాఫీ రీఫిల్ చేయి. ధర మాత్రం పెంచొద్దు, క్వాలిటీ తగ్గించొద్దు. పరిశుభ్రత కచ్చితంగా పాటించాలి. లేదంటే నేను 'ఆయన్ను' పంపిస్తా, ఇక నీ పని అయిపోయినట్టే" అని సరదాగా హెచ్చరించారు.

సల్మాన్ తన పోస్ట్‌లో 'ఆయన్ను' అంటూ ఎవరి పేరునూ ప్రత్యక్షంగా ప్రస్తావించినప్పటికీ, ఆయన ఉద్దేశించింది మహారాష్ట్ర ఫుడ్ అండ్ డ్రగ్ అడ్మినిస్ట్రేషన్ కమిషనర్ తుకారాం ముండేనే అని నెటిజన్లు భావిస్తున్నారు. ప్రస్తుతం తుకారాం ముండే మహారాష్ట్ర వ్యాప్తంగా హోటళ్లు, రెస్టారెంట్లపై ఆకస్మిక దాడులు చేస్తూ కఠిన చర్యలు తీసుకుంటున్నారు. అపరిశుభ్రత, గడువు ముగిసిన పదార్థాలను ఉపయోగిస్తున్న పలు ప్రముఖ ఫుడ్ అవుట్‌లెట్లను సైతం ఆయన తాత్కాలికంగా మూసివేయించి వార్తల్లో నిలిచారు. ఈ క్రమంలోనే తన స్నేహితుడికి సల్మాన్ ఆ అధికారి పేరుతో సరదాగా వార్నింగ్ ఇచ్చారు.