ఫామ్‌ నుంచి తప్పించుకున్న 900 పాములు.. గజగజ వణుకుతున్న గ్రామస్థులు!

చైనాలో వరదలు సృష్టించిన బీభత్సం ఇప్పుడు మరో కొత్త భయాన్ని తెచ్చిపెట్టింది. వరదల ధాటికి ఓ పాముల ఫామ్‌ దెబ్బతినడంతో దాదాపు 900 పాములు బయటకు తప్పించుకున్నాయి. దీంతో గ్రామస్థులు తీవ్ర భయాందోళనకు గురవుతున్నారు. ఇప్పటికే కొందరిని పాములు కాటేసినట్లు సమాచారం.

దక్షిణ చైనాలోని ఓ గ్రామంలో ఈ ఘటన జరిగింది. భారీ వర్షాలు, వరదల కారణంగా పాములను పెంచే ఫామ్‌ పూర్తిగా దెబ్బతింది. ఫలితంగా అందులో ఉన్న సుమారు 900 పాములు బయటకు వెళ్లిపోయాయి. వీటిలో విషపూరిత జాతులు కూడా ఉన్నట్లు స్థానిక మీడియా తెలిపింది.

పాములు గ్రామ పరిసరాల్లోకి చేరడంతో అధికారులు అప్రమత్తమయ్యారు. పాములను పట్టుకునేందుకు ప్రత్యేక బృందాలను రంగంలోకి దించారు. గ్రామస్థులు అత్యవసరమైతే తప్ప బయటకు రావొద్దని హెచ్చరించారు. పొదలు, పొలాలు, నీరు నిల్వ ఉన్న ప్రాంతాల వద్ద జాగ్రత్తగా ఉండాలని సూచించారు.

ఇప్పటికే కొందరిని పాములు కాటేసినట్లు సమాచారం. వారికి వెంటనే చికిత్స అందించినట్లు అధికారులు వెల్లడించారు. మరోవైపు వరదల ధాటికి ఆ ప్రాంతంలో భారీ ఎత్తున ఆస్తి నష్టం సంభవించింది.