సాయంత్రం 5 తర్వాతే అసలు జీవితం.. యూరప్లో పనిపై భారతీయుడి వీడియో వైరల్
- పోలాండ్లో భారతీయుడికి ఎదురైన వర్క్ కల్చర్ షాక్
- సాయంత్రం 5 తర్వాతే అసలు జీవితం మొదలవుతుందని వెల్లడి
- ప్రమోషన్ల కన్నా వ్యక్తిగత శాంతికే యూరప్లో ఎక్కువ విలువిస్తారని స్పష్టం
- నిజమైన సక్సెస్ అంటే బిజీగా ఉండటం కాదని కొత్త అర్థం చెప్పిన వైనం
పోలాండ్లో నివసిస్తున్న ఓ భారతీయుడు పంచుకున్న ఓ వీడియో ఇప్పుడు సోషల్ మీడియాలో చర్చనీయాంశమైంది. యూరప్లో వర్క్ చేయడం తన జీవిత దృక్పథాన్ని, ముఖ్యంగా కెరీర్ సక్సెస్ పై ఉన్న అభిప్రాయాన్ని ఎలా మార్చేసిందో అతను వివరించాడు. సాయంత్రం 5 గంటల తర్వాతే అసలైన జీవితం ఉంటుందని తెలుసుకోవడమే తనకు ఎదురైన అతిపెద్ద సాంస్కృతిక షాక్ అని చెప్పడం నెటిజన్లను ఆకట్టుకుంటోంది.
"అవర్ అన్స్క్రిప్టెడ్ లైఫ్" అనే ఇన్స్టాగ్రామ్ ఖాతాలో పోస్ట్ చేసిన ఈ వీడియోలో అతను యూరప్ వర్క్ కల్చర్ గురించి ఆసక్తికర విషయాలు పంచుకున్నాడు. "యూరప్లో పనిచేసే భారతీయులకు జీతం లేదా పనిగంటల కంటే పెద్ద షాక్ మరొకటి ఉంది. అదేంటంటే.. ఇక్కడ జీవితంలో పనే ముఖ్యం కాదు అనే నిజం తెలుసుకోవడం" అని అతను చెప్పాడు. ఆఫీసు సమయం ముగిశాక తమ వ్యక్తిగత జీవితాన్ని ఆస్వాదించడానికి అక్కడి ప్రజలు ఎంతో ఉత్సాహంగా ఉంటారని, ఆఫీసులో ఓవర్ టైమ్ డ్యూటీ చేయడాన్ని, లేదా ఎప్పుడూ బిజీగా కనిపించడాన్ని గొప్పగా చూడరని తెలిపాడు.
చాలా మంది తమ వ్యక్తిగత ప్రశాంతత, కుటుంబ సమయానికి విలువ ఇచ్చి ప్రమోషన్లను కూడా తిరస్కరిస్తారని చెప్పాడు. కుటుంబంతో కలిసి తినే డిన్నర్లు, ఆహ్లాదకరమైన సాయంత్రాలు, నిజమైన సెలవుల్లా అనిపించే వారాంతాలు.. ఇవే అసలైన విజయవంతమైన జీవితం అనే కొత్త అర్థాన్ని తనకు నేర్పించాయని పేర్కొన్నాడు. "ఎప్పుడూ బిజీగా ఉండటమే విజయం అనే భావనను యూరప్ మార్చేసింది" అని అతను తన పోస్ట్కు క్యాప్షన్ జోడించాడు.
ఈ వీడియోపై నెటిజన్ల నుంచి మిశ్రమ స్పందన వస్తోంది. విదేశాల్లో నివసిస్తున్న చాలా మంది అతని అభిప్రాయంతో ఏకీభవించారు. అయితే, ఈ అనుభవాలు పరిశ్రమను బట్టి మారవచ్చని కొందరు కామెంట్ చేశారు.
"అవర్ అన్స్క్రిప్టెడ్ లైఫ్" అనే ఇన్స్టాగ్రామ్ ఖాతాలో పోస్ట్ చేసిన ఈ వీడియోలో అతను యూరప్ వర్క్ కల్చర్ గురించి ఆసక్తికర విషయాలు పంచుకున్నాడు. "యూరప్లో పనిచేసే భారతీయులకు జీతం లేదా పనిగంటల కంటే పెద్ద షాక్ మరొకటి ఉంది. అదేంటంటే.. ఇక్కడ జీవితంలో పనే ముఖ్యం కాదు అనే నిజం తెలుసుకోవడం" అని అతను చెప్పాడు. ఆఫీసు సమయం ముగిశాక తమ వ్యక్తిగత జీవితాన్ని ఆస్వాదించడానికి అక్కడి ప్రజలు ఎంతో ఉత్సాహంగా ఉంటారని, ఆఫీసులో ఓవర్ టైమ్ డ్యూటీ చేయడాన్ని, లేదా ఎప్పుడూ బిజీగా కనిపించడాన్ని గొప్పగా చూడరని తెలిపాడు.
చాలా మంది తమ వ్యక్తిగత ప్రశాంతత, కుటుంబ సమయానికి విలువ ఇచ్చి ప్రమోషన్లను కూడా తిరస్కరిస్తారని చెప్పాడు. కుటుంబంతో కలిసి తినే డిన్నర్లు, ఆహ్లాదకరమైన సాయంత్రాలు, నిజమైన సెలవుల్లా అనిపించే వారాంతాలు.. ఇవే అసలైన విజయవంతమైన జీవితం అనే కొత్త అర్థాన్ని తనకు నేర్పించాయని పేర్కొన్నాడు. "ఎప్పుడూ బిజీగా ఉండటమే విజయం అనే భావనను యూరప్ మార్చేసింది" అని అతను తన పోస్ట్కు క్యాప్షన్ జోడించాడు.
ఈ వీడియోపై నెటిజన్ల నుంచి మిశ్రమ స్పందన వస్తోంది. విదేశాల్లో నివసిస్తున్న చాలా మంది అతని అభిప్రాయంతో ఏకీభవించారు. అయితే, ఈ అనుభవాలు పరిశ్రమను బట్టి మారవచ్చని కొందరు కామెంట్ చేశారు.
