ఇరాన్తో యుద్ధం: 42 విమానాలు కోల్పోయిన అమెరికా
- ఇరాన్తో యుద్ధంలో అమెరికాకు భారీ నష్టం
- మొత్తం 42 విమానాలు ధ్వంసం లేదా దెబ్బతిన్నాయని వెల్లడి
- యుద్ధం ఖర్చు 29 బిలియన్ డాలర్లకు చేరినట్లు ప్రకటన
- అమెరికా కాంగ్రెషనల్ రీసెర్చ్ సర్వీస్ నివేదికలో వివరాలు
ఇరాన్తో ఇటీవల జరిగిన యుద్ధంలో అమెరికాకు భారీ స్థాయిలో నష్టం వాటిల్లినట్లు తెలుస్తోంది. "ఆపరేషన్ ఎపిక్ ఫ్యూరీ" పేరుతో చేపట్టిన ఈ సైనిక చర్యలో మొత్తం 42 అమెరికా విమానాలు ధ్వంసం కావడం లేదా దెబ్బతినడం జరిగిందని అమెరికా కాంగ్రెషనల్ రీసెర్చ్ సర్వీస్ (CRS) తన నివేదికలో వెల్లడించింది. ఈ నివేదిక ప్రస్తుతం అమెరికా రక్షణ, రాజకీయ వర్గాల్లో తీవ్ర చర్చకు దారితీసింది.
ధ్వంసమైన వాటిలో అత్యాధునిక యుద్ధ విమానాలు, డ్రోన్లు కూడా ఉన్నాయి. నివేదిక ప్రకారం, నాలుగు ఎఫ్-15ఈ, ఒక ఎఫ్-35ఏ యుద్ధ విమానం, ఏడు కేసీ-135 రీఫ్యూయలింగ్ విమానాలతో పాటు అత్యధికంగా 24 ఎంక్యూ-9 రీపర్ డ్రోన్లు ఉన్నాయి. వీటితో పాటు ఏ-10 థండర్బోల్ట్, ఈ-3 సెంట్రీ అవాక్స్ వంటి ఇతర కీలక విమానాలు కూడా ఈ జాబితాలో ఉన్నట్లు సీఆర్ఎస్ పేర్కొంది.
విమానాల నష్టంతో పాటు ఈ యుద్ధం అమెరికా ఖజానాపై కూడా తీవ్ర ప్రభావం చూపింది. ఈ ఆపరేషన్ కోసం అయిన ఖర్చు సుమారు 29 బిలియన్ డాలర్లకు చేరనుందని పెంటగాన్ తాత్కాలిక కంప్ట్రోలర్ జూల్స్ డబ్ల్యూ హర్ట్స్ మే 12న అమెరికా పార్లమెంటరీ కమిటీకి తెలిపారు. దెబ్బతిన్న పరికరాల మరమ్మతులు, కొత్తవాటి కొనుగోలు అంచనాలు పెరగడంతోనే ఈ వ్యయం పెరిగినట్లు ఆయన వివరించారు.
అమెరికా కాంగ్రెస్కు విధానపరమైన అంశాలపై విశ్లేషణలు అందించే సీఆర్ఎస్, రక్షణ శాఖ (DoD) మరియు సెంట్రల్ కమాండ్ (CENTCOM) విడుదల చేసిన అధికారిక ప్రకటనలు, వార్తల ఆధారంగా ఈ నివేదికను రూపొందించింది. ఇరాన్ సైనిక సామర్థ్యాన్ని దెబ్బతీయడమే లక్ష్యంగా ఈ ఏడాది ఫిబ్రవరి 28న అమెరికా ఈ సైనిక చర్యను ప్రారంభించిన విషయం తెలిసిందే.
ధ్వంసమైన వాటిలో అత్యాధునిక యుద్ధ విమానాలు, డ్రోన్లు కూడా ఉన్నాయి. నివేదిక ప్రకారం, నాలుగు ఎఫ్-15ఈ, ఒక ఎఫ్-35ఏ యుద్ధ విమానం, ఏడు కేసీ-135 రీఫ్యూయలింగ్ విమానాలతో పాటు అత్యధికంగా 24 ఎంక్యూ-9 రీపర్ డ్రోన్లు ఉన్నాయి. వీటితో పాటు ఏ-10 థండర్బోల్ట్, ఈ-3 సెంట్రీ అవాక్స్ వంటి ఇతర కీలక విమానాలు కూడా ఈ జాబితాలో ఉన్నట్లు సీఆర్ఎస్ పేర్కొంది.
విమానాల నష్టంతో పాటు ఈ యుద్ధం అమెరికా ఖజానాపై కూడా తీవ్ర ప్రభావం చూపింది. ఈ ఆపరేషన్ కోసం అయిన ఖర్చు సుమారు 29 బిలియన్ డాలర్లకు చేరనుందని పెంటగాన్ తాత్కాలిక కంప్ట్రోలర్ జూల్స్ డబ్ల్యూ హర్ట్స్ మే 12న అమెరికా పార్లమెంటరీ కమిటీకి తెలిపారు. దెబ్బతిన్న పరికరాల మరమ్మతులు, కొత్తవాటి కొనుగోలు అంచనాలు పెరగడంతోనే ఈ వ్యయం పెరిగినట్లు ఆయన వివరించారు.
అమెరికా కాంగ్రెస్కు విధానపరమైన అంశాలపై విశ్లేషణలు అందించే సీఆర్ఎస్, రక్షణ శాఖ (DoD) మరియు సెంట్రల్ కమాండ్ (CENTCOM) విడుదల చేసిన అధికారిక ప్రకటనలు, వార్తల ఆధారంగా ఈ నివేదికను రూపొందించింది. ఇరాన్ సైనిక సామర్థ్యాన్ని దెబ్బతీయడమే లక్ష్యంగా ఈ ఏడాది ఫిబ్రవరి 28న అమెరికా ఈ సైనిక చర్యను ప్రారంభించిన విషయం తెలిసిందే.
