సనాతన ధర్మంపై వ్యాఖ్యలు.. ఉదయనిధి స్టాలిన్ వివరణ

సనాతన ధర్మంపై తాను చేసిన వ్యాఖ్యల పట్ల డీఎంకే యువ నేత ఉదయనిధి స్టాలిన్ వివరణ ఇచ్చారు. ఇటీవల అసెంబ్లీలో సనాతన ధర్మంపై ఆయన చేసిన వ్యాఖ్యలు తీవ్ర దుమారం రేపాయి. ఈ వ్యాఖ్యలపై బీజేపీతో పాటు వివిధ వర్గాలు ఆగ్రహం వ్యక్తం చేయడంతో ఉదయనిధి స్టాలిన్ వివరణ ఇచ్చారు.

తన మాటలను వక్రీకరిస్తున్నారని పేర్కొన్నారు. సనాతన ధర్మాన్ని కించపరచడం తన ఉద్దేశం కాదని తెలిపారు. ప్రజలను అగ్ర, నిమ్న వర్గాలుగా విభజించే కుల వ్యవస్థను నిర్మూలించాలనే ఆలోచనను తాను వ్యక్తం చేశానని అన్నారు. సమాజంలో ప్రతి ఒక్కరికి సమాన హక్కులు ఉండాలని తాను కోరుకుంటున్నానని ఉదయనిధి స్టాలిన్ పేర్కొన్నారు. పెరియార్, అంబేద్కర్ చెప్పిన సూత్రాల గురించి తాను అసెంబ్లీలో మాట్లాడినట్లు ఉదయనిధి పేర్కొన్నారు.

తనపై ఎంతమంది ఎన్ని విమర్శలు చేసినా భయపడేది లేదని స్పష్టం చేశారు. కుల వ్యవస్థకు వ్యతిరేకంగా పోరాడుతూనే ఉంటానని అన్నారు. కానీ సనాతన ధర్మానికి తాము వ్యతిరేకం కాదని, అదే సమయంలో అసమానతలు, అణచివేతను తీవ్రంగా వ్యతిరేకిస్తామని అన్నారు.