వివాహేతర సంబంధం.. భార్యను హత్య చేసిన భర్త
- కృష్ణా జిల్లా పామర్రులో ఘటన
- వివాహేతర సంబంధంపై ఆగ్రహంతో భర్త ఘాతుకం
- సోదరులతో కలిసి ఇనుప రాడ్తో కొట్టి చంపిన భర్త
- నిందితుడైన భర్త, అతని ఇద్దరు సోదరుల అరెస్ట్
- కేసు నమోదు చేసి దర్యాప్తు చేస్తున్న పోలీసులు
కృష్ణా జిల్లా పామర్రు మండలంలో దారుణ ఘటన చోటుచేసుకుంది. వివాహేతర సంబంధం పెట్టుకుందన్న కక్షతో కట్టుకున్న భార్యనే ఓ భర్త తన సోదరులతో కలిసి అతి కిరాతకంగా హత్య చేశాడు. గాంధీనగర్లో ఈరోజు తెల్లవారుజామున జరిగిన ఈ ఘటన స్థానికంగా తీవ్ర కలకలం రేపింది.
పోలీసులు వెల్లడించిన వివరాల ప్రకారం.. మృతురాలిని దిమ్మెట లక్ష్మీప్రసన్న (30)గా గుర్తించారు. ఆమెకు 13 ఏళ్ల క్రితం మీర్జాపురం గ్రామానికి చెందిన మురళీకృష్ణతో వివాహం కాగా, ఈ దంపతులకు ఇద్దరు పిల్లలు ఉన్నారు. అయితే, కొంతకాలంగా కుటుంబ కలహాల కారణంగా భర్త, పిల్లలను వదిలిపెట్టిన లక్ష్మీప్రసన్న.. నిడుమోలు గ్రామానికి చెందిన అయ్యప్ప అనే వ్యక్తితో కలిసి సహజీవనం చేస్తోంది.
ఈ విషయంపై తీవ్ర ఆగ్రహంతో ఉన్న భర్త మురళీకృష్ణ, ఆమెను అంతమొందించాలని నిర్ణయించుకున్నాడు. పథకం ప్రకారం సోమవారం ఉదయం గాంధీనగర్లో ఉన్న లక్ష్మీప్రసన్నపై తన ఇద్దరు సోదరులతో కలిసి ఇనుప రాడ్తో దాడికి పాల్పడ్డాడు. తలపై బలంగా కొట్టడంతో ఆమె తీవ్ర రక్తస్రావంతో అక్కడికక్కడే మృతి చెందింది.
సమాచారం అందుకున్న పామర్రు పోలీసులు వెంటనే ఘటనా స్థలానికి చేరుకున్నారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ హత్యకు పాల్పడిన భర్త మురళీకృష్ణతో పాటు అతనికి సహకరించిన ఇద్దరు సోదరులను అదుపులోకి తీసుకుని విచారిస్తున్నారు. వివాహేతర సంబంధం కారణంగా ఏర్పడిన కక్షలే ఈ హత్యకు ప్రధాన కారణమని పోలీసులు ప్రాథమికంగా నిర్ధారించారు.
పోలీసులు వెల్లడించిన వివరాల ప్రకారం.. మృతురాలిని దిమ్మెట లక్ష్మీప్రసన్న (30)గా గుర్తించారు. ఆమెకు 13 ఏళ్ల క్రితం మీర్జాపురం గ్రామానికి చెందిన మురళీకృష్ణతో వివాహం కాగా, ఈ దంపతులకు ఇద్దరు పిల్లలు ఉన్నారు. అయితే, కొంతకాలంగా కుటుంబ కలహాల కారణంగా భర్త, పిల్లలను వదిలిపెట్టిన లక్ష్మీప్రసన్న.. నిడుమోలు గ్రామానికి చెందిన అయ్యప్ప అనే వ్యక్తితో కలిసి సహజీవనం చేస్తోంది.
ఈ విషయంపై తీవ్ర ఆగ్రహంతో ఉన్న భర్త మురళీకృష్ణ, ఆమెను అంతమొందించాలని నిర్ణయించుకున్నాడు. పథకం ప్రకారం సోమవారం ఉదయం గాంధీనగర్లో ఉన్న లక్ష్మీప్రసన్నపై తన ఇద్దరు సోదరులతో కలిసి ఇనుప రాడ్తో దాడికి పాల్పడ్డాడు. తలపై బలంగా కొట్టడంతో ఆమె తీవ్ర రక్తస్రావంతో అక్కడికక్కడే మృతి చెందింది.
సమాచారం అందుకున్న పామర్రు పోలీసులు వెంటనే ఘటనా స్థలానికి చేరుకున్నారు. మృతదేహాన్ని పోస్టుమార్టం నిమిత్తం ఆసుపత్రికి తరలించారు. ఈ హత్యకు పాల్పడిన భర్త మురళీకృష్ణతో పాటు అతనికి సహకరించిన ఇద్దరు సోదరులను అదుపులోకి తీసుకుని విచారిస్తున్నారు. వివాహేతర సంబంధం కారణంగా ఏర్పడిన కక్షలే ఈ హత్యకు ప్రధాన కారణమని పోలీసులు ప్రాథమికంగా నిర్ధారించారు.
