Sonam Kapoor: సోనమ్ కపూర్కు రెండో కుమారుడు.. సోషల్ మీడియాలో భావోద్వేగ పోస్ట్
బాలీవుడ్ నటి, ఫ్యాషన్ ఐకాన్గా పేరుగాంచిన సోనమ్ కపూర్ రెండోసారి తల్లి అయ్యారు. ఆమె, వ్యాపారవేత్త అయిన భర్త ఆనంద్ అహుజాలకు రెండో సంతానంగా మగబిడ్డ జన్మించాడు. ఈ శుభవార్తను సోనమ్ సోమవారం సాయంత్రం సోషల్ మీడియా వేదికగా అభిమానులతో పంచుకున్నారు.
మార్చి 29న తమకు బాబు పుట్టాడని ఆమె తెలిపారు. ‘‘కృతజ్ఞతతో నిండిన హృదయాలతో మా అబ్బాయి రాకను ప్రకటిస్తున్నందుకు సంతోషిస్తున్నాము. మా కుటుంబం ఇప్పుడు మరింత పెద్దదైంది’’ అంటూ భావోద్వేగభరితమైన సందేశాన్ని పోస్ట్ చేశారు. తమ మొదటి కుమారుడు వాయు, తమ్ముడి రాకతో ఎంతో సంతోషంగా ఉన్నాడని కూడా ఆమె పేర్కొన్నారు.
సోనమ్ కపూర్, ఆనంద్ అహుజాల వివాహం 2018లో జరిగింది. వీరికి 2022 ఆగస్టులో తొలి సంతానంగా వాయు జన్మించాడు. గతేడాది నవంబర్లో దివంగత ప్రిన్సెస్ డయానాను గుర్తుచేసేలా ప్రత్యేక ఫొటోషూట్తో సోనమ్ తన రెండో గర్భాన్ని ప్రకటించిన విషయం తెలిసిందే.
సోనమ్ ఈ వార్తను పంచుకున్న వెంటనే బాలీవుడ్ పరిశ్రమ నుంచి శుభాకాంక్షలు వెల్లువెత్తాయి. కరీనా కపూర్, కియారా అద్వానీ, సోనమ్ సోదరి రియా కపూర్ సహా పలువురు ప్రముఖులు సోషల్ మీడియా ద్వారా ఈ దంపతులకు అభినందనలు తెలిపారు.
మార్చి 29న తమకు బాబు పుట్టాడని ఆమె తెలిపారు. ‘‘కృతజ్ఞతతో నిండిన హృదయాలతో మా అబ్బాయి రాకను ప్రకటిస్తున్నందుకు సంతోషిస్తున్నాము. మా కుటుంబం ఇప్పుడు మరింత పెద్దదైంది’’ అంటూ భావోద్వేగభరితమైన సందేశాన్ని పోస్ట్ చేశారు. తమ మొదటి కుమారుడు వాయు, తమ్ముడి రాకతో ఎంతో సంతోషంగా ఉన్నాడని కూడా ఆమె పేర్కొన్నారు.
సోనమ్ కపూర్, ఆనంద్ అహుజాల వివాహం 2018లో జరిగింది. వీరికి 2022 ఆగస్టులో తొలి సంతానంగా వాయు జన్మించాడు. గతేడాది నవంబర్లో దివంగత ప్రిన్సెస్ డయానాను గుర్తుచేసేలా ప్రత్యేక ఫొటోషూట్తో సోనమ్ తన రెండో గర్భాన్ని ప్రకటించిన విషయం తెలిసిందే.
సోనమ్ ఈ వార్తను పంచుకున్న వెంటనే బాలీవుడ్ పరిశ్రమ నుంచి శుభాకాంక్షలు వెల్లువెత్తాయి. కరీనా కపూర్, కియారా అద్వానీ, సోనమ్ సోదరి రియా కపూర్ సహా పలువురు ప్రముఖులు సోషల్ మీడియా ద్వారా ఈ దంపతులకు అభినందనలు తెలిపారు.