Maharashtra: శివుడినంటూ మహిళపై అత్యాచారం.. ఫొటోలతో బ్లాక్మెయిల్ చేసిన దొంగ బాబా
మహారాష్ట్రలో ఓ దొంగ బాబా అరాచకం ఆలస్యంగా వెలుగులోకి వచ్చింది. తానే శివుడి అవతారమని, తనను కలిసిన మహిళ పార్వతి అని నమ్మించి ఆమెపై అత్యాచారానికి పాల్పడ్డాడు. ఆ తర్వాత ఫొటోలతో బ్లాక్మెయిల్ చేస్తూ వేధింపులకు గురిచేశాడు. పాల్ఘర్ జిల్లాకు చెందిన రిషికేశ్ వైద్య (40) అనే నిందితుడిపై 35 ఏళ్ల బాధితురాలు పోలీసులకు ఫిర్యాదు చేయడంతో ఈ దారుణం బట్టబయలైంది.
పోలీసులు తెలిపిన వివరాల ప్రకారం... పూణెకు చెందిన బాధితురాలికి 2023లో ఫేస్బుక్ ద్వారా నిందితుడు రిషికేశ్ వైద్యతో పరిచయం ఏర్పడింది. అదే ఏడాది డిసెంబర్లో అతను పూణె వచ్చి ఆమెను కలిశాడు. తాను మహాదేవుడి అవతారమని, ఆమె తన పార్వతి అని నమ్మబలికాడు. ఈ క్రమంలో ఆమెను పూణెలోని మంజరి ప్రాంతంలో ఉన్న ఓ లాడ్జికి తీసుకెళ్లాడు. అక్కడ ఆమెకు తెలియకుండా మత్తు పదార్థం ఇచ్చి, అత్యాచారానికి పాల్పడినట్లు బాధితురాలు తన ఫిర్యాదులో పేర్కొంది.
అంతటితో ఆగకుండా అత్యాచారం చేస్తున్న సమయంలో నిందితుడు బాధితురాలికి తెలియకుండా ఫొటోలు తీశాడు. ఆ ఫొటోలను అడ్డుపెట్టుకుని ఆమెను బ్లాక్మెయిల్ చేయడం ప్రారంభించాడు. పాల్ఘర్ జిల్లాలో ఓ స్వచ్ఛంద సంస్థను నడుపుతున్న నిందితుడు, గతేడాది మే నెలలో బాధితురాలిని వసాయిలోని ఓ హోటల్కు పిలిపించి, మరోసారి లైంగిక దాడికి యత్నించాడని ఆమె వివరించింది.
ఇటీవల నాసిక్లో అశోక్ ఖరత్ అలియాస్ ‘కెప్టెన్’ అనే మరో దొంగ బాబాను పోలీసులు అరెస్ట్ చేయడంతో ఆ వార్త బాధితురాలికి ధైర్యాన్ని ఇచ్చింది. దీంతో తాను ఎదుర్కొన్న అన్యాయాన్ని బయటపెట్టాలని నిర్ణయించుకుని, మాణిక్పూర్ పోలీస్ స్టేషన్లో ఫిర్యాదు చేసింది. తనలాగే మరికొందరు మహిళలను కూడా నిందితుడు ఇదే పద్ధతిలో మోసం చేసి, లైంగికంగా దోపిడీ చేసి ఉండవచ్చని ఆమె ఆరోపించింది.
ప్రాథమిక నేరం పూణె పరిధిలో జరిగినందున, మాణిక్పూర్ పోలీసులు ‘జీరో ఎఫ్ఐఆర్’ నమోదు చేశారు. నేరం జరిగిన ప్రదేశంతో సంబంధం లేకుండా ఏ పోలీస్ స్టేషన్లోనైనా కేసు నమోదు చేయడాన్ని జీరో ఎఫ్ఐఆర్ అంటారు. అనంతరం తదుపరి విచారణ కోసం కేసును పూణెలోని హడప్సర్ పోలీస్ స్టేషన్కు బదిలీ చేసినట్లు సీనియర్ ఇన్స్పెక్టర్ హిరాలాల్ జాదవ్ తెలిపారు. ప్రస్తుతం పరారీలో ఉన్న నిందితుడు రిషికేశ్ వైద్య కోసం పోలీసులు గాలిస్తున్నారు.
పోలీసులు తెలిపిన వివరాల ప్రకారం... పూణెకు చెందిన బాధితురాలికి 2023లో ఫేస్బుక్ ద్వారా నిందితుడు రిషికేశ్ వైద్యతో పరిచయం ఏర్పడింది. అదే ఏడాది డిసెంబర్లో అతను పూణె వచ్చి ఆమెను కలిశాడు. తాను మహాదేవుడి అవతారమని, ఆమె తన పార్వతి అని నమ్మబలికాడు. ఈ క్రమంలో ఆమెను పూణెలోని మంజరి ప్రాంతంలో ఉన్న ఓ లాడ్జికి తీసుకెళ్లాడు. అక్కడ ఆమెకు తెలియకుండా మత్తు పదార్థం ఇచ్చి, అత్యాచారానికి పాల్పడినట్లు బాధితురాలు తన ఫిర్యాదులో పేర్కొంది.
అంతటితో ఆగకుండా అత్యాచారం చేస్తున్న సమయంలో నిందితుడు బాధితురాలికి తెలియకుండా ఫొటోలు తీశాడు. ఆ ఫొటోలను అడ్డుపెట్టుకుని ఆమెను బ్లాక్మెయిల్ చేయడం ప్రారంభించాడు. పాల్ఘర్ జిల్లాలో ఓ స్వచ్ఛంద సంస్థను నడుపుతున్న నిందితుడు, గతేడాది మే నెలలో బాధితురాలిని వసాయిలోని ఓ హోటల్కు పిలిపించి, మరోసారి లైంగిక దాడికి యత్నించాడని ఆమె వివరించింది.
ఇటీవల నాసిక్లో అశోక్ ఖరత్ అలియాస్ ‘కెప్టెన్’ అనే మరో దొంగ బాబాను పోలీసులు అరెస్ట్ చేయడంతో ఆ వార్త బాధితురాలికి ధైర్యాన్ని ఇచ్చింది. దీంతో తాను ఎదుర్కొన్న అన్యాయాన్ని బయటపెట్టాలని నిర్ణయించుకుని, మాణిక్పూర్ పోలీస్ స్టేషన్లో ఫిర్యాదు చేసింది. తనలాగే మరికొందరు మహిళలను కూడా నిందితుడు ఇదే పద్ధతిలో మోసం చేసి, లైంగికంగా దోపిడీ చేసి ఉండవచ్చని ఆమె ఆరోపించింది.
ప్రాథమిక నేరం పూణె పరిధిలో జరిగినందున, మాణిక్పూర్ పోలీసులు ‘జీరో ఎఫ్ఐఆర్’ నమోదు చేశారు. నేరం జరిగిన ప్రదేశంతో సంబంధం లేకుండా ఏ పోలీస్ స్టేషన్లోనైనా కేసు నమోదు చేయడాన్ని జీరో ఎఫ్ఐఆర్ అంటారు. అనంతరం తదుపరి విచారణ కోసం కేసును పూణెలోని హడప్సర్ పోలీస్ స్టేషన్కు బదిలీ చేసినట్లు సీనియర్ ఇన్స్పెక్టర్ హిరాలాల్ జాదవ్ తెలిపారు. ప్రస్తుతం పరారీలో ఉన్న నిందితుడు రిషికేశ్ వైద్య కోసం పోలీసులు గాలిస్తున్నారు.
