మంచు మనోజ్ సినిమాలో మెరవనున్న రాశి ఖన్నా
- పీరియాడిక్ విజువల్ వండర్గా తెరకెక్కుతున్న 'డేవిడ్ రెడ్డి'
- బ్రిటీష్ కాలం నాటి కథాంశంతో తెరకెక్కుతున్న చిత్రం
- ఐటెం సాంగ్ కోసం రాశి ఖన్నాను ఎంపిక చేసినట్టు టాక్
టాలీవుడ్ యాక్షన్ స్టార్ మంచు మనోజ్ తన తాజా చిత్రం ‘డేవిడ్ రెడ్డి’తో వెండితెరపై ఒక భారీ పీరియాడిక్ విజువల్ వండర్ను ఆవిష్కరించబోతున్నారు. హనుమరెడ్డి యక్కంటి దర్శకత్వంలో రూపొందుతున్న ఈ సినిమాకు సంబంధించి తాజాగా ఒక క్రేజీ అప్డేట్ ఫిల్మ్ నగర్ వర్గాల్లో చక్కర్లు కొడుతోంది. ఈ పవర్ఫుల్ యాక్షన్ డ్రామాలో మాస్ ఆడియన్స్ను ఉర్రూతలూగించే ఒక స్పెషల్ సాంగ్ను ప్లాన్ చేశారట. ఇందులో మనోజ్తో కలిసి స్టెప్పులు వేయడానికి గ్లామరస్ బ్యూటీ రాశి ఖన్నాను ఎంపిక చేసినట్లు సమాచారం. సీరియస్ కథాంశంతో సాగే ఈ సినిమాలో రాశి ఖన్నా చేసే ఈ ఐటెం సాంగ్ ఒక ఊపు ఊపుతుందని చిత్ర బృందం భావిస్తోంది.
ఇక ఈ సినిమా కథా నేపథ్యం విషయానికొస్తే.. స్వాతంత్ర్యానికి పూర్వం బ్రిటిష్ పాలకుల గుండెల్లో నిద్రపోయిన ‘డేవిడ్ రెడ్డి’ అనే వీర యోధుడి పోరాట గాథ ఇది. ఆ కాలం నాటి పరిస్థితులను కళ్లకు కట్టేలా చూపిస్తూనే, మనోజ్ పాత్రను అత్యంత శక్తిమంతంగా తీర్చిదిద్దారు. ఈ సినిమాలో హీరో వాడే 700 కేజీల బరువున్న ‘వార్ డాగ్’ అనే స్పెషల్ బైక్ ఇప్పటికే సోషల్ మీడియాలో హాట్ టాపిక్గా మారింది. ఇందులో మరియా రియాబోషప్క కథానాయికగా నటిస్తుండగా, ‘KGF’ ఫేమ్ రవి బస్రూర్ సంగీతం ఈ భారీ చిత్రానికి ప్రధాన బలంగా నిలవనుంది.