ప‌వ‌న్‌ ఫ్యాన్స్‌కు క్రేజీ అప్‌డేట్.. 'ఉస్తాద్ భగత్ సింగ్' డబ్బింగ్ షురూ

పవర్ స్టార్ పవన్ కల్యాణ్ నటిస్తున్న మోస్ట్ అవైటెడ్ మూవీ ‘ఉస్తాద్ భగత్ సింగ్’ నుంచి కీలక అప్‌డేట్ వచ్చింది. దర్శకుడు హరీశ్‌ శంకర్ తెరకెక్కిస్తున్న ఈ సినిమా డబ్బింగ్ పనులు అధికారికంగా ప్రారంభమయ్యాయి. ఈ మేరకు చిత్ర నిర్మాణ సంస్థ మైత్రీ మూవీ మేకర్స్ సోషల్ మీడియాలో ఒక ప్రత్యేక వీడియోను విడుదల చేసింది.

‘గబ్బర్ సింగ్’ వంటి ఇండస్ట్రీ హిట్ తర్వాత పవన్ కల్యాణ్, హరీష్ శంకర్, సంగీత దర్శకుడు దేవిశ్రీ ప్రసాద్ కాంబినేషన్‌లో ఈ సినిమా వస్తుండటంతో దీనిపై భారీ అంచనాలు నెలకొన్నాయి. హరీశ్‌ తనదైన శైలిలో రాసిన పవర్‌ఫుల్ డైలాగ్స్‌కు పవన్ డబ్బింగ్ చెప్పనుండటంతో అభిమానుల్లో ఆసక్తి రెట్టింపైంది.

ఈ చిత్రంలో శ్రీలీల, రాశి ఖన్నా కథానాయికలుగా నటిస్తున్నారు. ఇప్పటికే విడుదలైన మూవీ గ్లింప్స్‌కు అద్భుతమైన స్పందన వచ్చింది. ఇప్పుడు డబ్బింగ్ పనులు కూడా మొదలుకావడంతో సినిమాను వేగంగా పూర్తిచేసి, విడుదల చేసేందుకు చిత్ర యూనిట్ సన్నాహాలు చేస్తున్నట్లు తెలుస్తోంది.