తాను 'ఆస్ప్రిన్' మాత్ర వాడకంపై మరోసారి వివరణ ఇచ్చిన ట్రంప్
- దావోస్ లో చేతికి గాయంతో కనిపించిన ట్రంప్
- ఎయిర్ ఫోర్స్ వన్ విమానంలో విలేకరులకు వివరాలు తెలిపిన అమెరికా అధ్యక్షుడు
- టేబుల్ కు చేయి తగిలిందని వెల్లడి
- ఆస్ప్రిన్ వాడితే చిన్నపాటి దెబ్బలకు కూడా గాయాలవుతాయని వివరణ
అమెరికా అధ్యక్షుడు డొనాల్డ్ ట్రంప్ ఆరోగ్యంపై మరోసారి తీవ్రస్థాయిలో చర్చ మొదలైంది. స్విట్జర్లాండ్లోని దావోస్లో జరుగుతున్న వరల్డ్ ఎకనామిక్ ఫోరమ్ సదస్సులో ఆయన ఎడమ చేతి వెనుక భాగంలో గాయం కనిపించడమే ఇందుకు కారణమైంది. జనవరి 22న జరిగిన ఓ కార్యక్రమంలో ఈ గాయం స్పష్టంగా కనిపించడంతో, దీనికి సంబంధించిన ఫొటోలు, వీడియోలు సోషల్ మీడియాలో వైరల్ అయ్యాయి. దీంతో ఆయన ఆరోగ్య పరిస్థితిపై ఊహాగానాలు జోరందుకున్నాయి.
ఈ విషయంపై ట్రంప్ వెంటనే స్పందించారు. ఎయిర్ ఫోర్స్ వన్ విమానంలో విలేకరులతో మాట్లాడుతూ, ఒక టేబుల్కు తన చేయి గట్టిగా తగిలిందని, అందుకే గాయమైందని చెప్పారు. “నేను బాగానే ఉన్నాను. దానికి కొంచెం క్రీమ్ రాశాను” అని వివరించారు. గుండె ఆరోగ్యం కోసం, తాను రోజూ అధిక మోతాదులో ఆస్ప్రిన్ తీసుకుంటున్నందున రక్తం పలుచబడుతుందని తెలిపారు. దాంతో, చిన్న దెబ్బలకే ఇలా రక్తం గడ్డకట్టి గాయాలు ఏర్పడతాయని వివరించారు. డాక్టర్లు వద్దన్నా తాను రిస్క్ తీసుకోదలచుకోలేదని ఆయన పేర్కొన్నారు.
వైట్ హౌస్ ప్రెస్ సెక్రటరీ కరోలైన్ లెవిట్ కూడా ఇదే విషయాన్ని ధృవీకరించారు. సంతకం చేసే సమయంలో టేబుల్ మూలకు చెయ్యి తగలడంతో గాయమైందని స్పష్టం చేశారు. ట్రంప్ రోజూ 325 మిల్లీగ్రాముల ఆస్ప్రిన్ తీసుకుంటున్నారని, దీనివల్ల సులభంగా గాయాలయ్యే అవకాశం ఉందని వైట్ హౌస్ వర్గాలు పేర్కొన్నాయి. సాధారణంగా వైద్యులు 75-100 మిల్లీగ్రాముల ఆస్ప్రిన్ను మాత్రమే సిఫార్సు చేస్తారు.
గతంలోనూ ట్రంప్ చేతులపై ఇలాంటి గాయాలు కనిపించడం, వాటిని ఆయన మేకప్తో లేదా బ్యాండేజ్లతో కప్పి ఉంచడం వంటివి జరిగాయి. గత ఏడాది జరిగిన హత్యాయత్నం తర్వాత పూర్తిస్థాయి మెడికల్ రికార్డులను విడుదల చేయకపోవడంతో ఆయన ఆరోగ్యం విషయంలో పారదర్శకతపై ప్రశ్నలు తలెత్తుతున్నాయి.
ఈ విషయంపై ట్రంప్ వెంటనే స్పందించారు. ఎయిర్ ఫోర్స్ వన్ విమానంలో విలేకరులతో మాట్లాడుతూ, ఒక టేబుల్కు తన చేయి గట్టిగా తగిలిందని, అందుకే గాయమైందని చెప్పారు. “నేను బాగానే ఉన్నాను. దానికి కొంచెం క్రీమ్ రాశాను” అని వివరించారు. గుండె ఆరోగ్యం కోసం, తాను రోజూ అధిక మోతాదులో ఆస్ప్రిన్ తీసుకుంటున్నందున రక్తం పలుచబడుతుందని తెలిపారు. దాంతో, చిన్న దెబ్బలకే ఇలా రక్తం గడ్డకట్టి గాయాలు ఏర్పడతాయని వివరించారు. డాక్టర్లు వద్దన్నా తాను రిస్క్ తీసుకోదలచుకోలేదని ఆయన పేర్కొన్నారు.
వైట్ హౌస్ ప్రెస్ సెక్రటరీ కరోలైన్ లెవిట్ కూడా ఇదే విషయాన్ని ధృవీకరించారు. సంతకం చేసే సమయంలో టేబుల్ మూలకు చెయ్యి తగలడంతో గాయమైందని స్పష్టం చేశారు. ట్రంప్ రోజూ 325 మిల్లీగ్రాముల ఆస్ప్రిన్ తీసుకుంటున్నారని, దీనివల్ల సులభంగా గాయాలయ్యే అవకాశం ఉందని వైట్ హౌస్ వర్గాలు పేర్కొన్నాయి. సాధారణంగా వైద్యులు 75-100 మిల్లీగ్రాముల ఆస్ప్రిన్ను మాత్రమే సిఫార్సు చేస్తారు.
గతంలోనూ ట్రంప్ చేతులపై ఇలాంటి గాయాలు కనిపించడం, వాటిని ఆయన మేకప్తో లేదా బ్యాండేజ్లతో కప్పి ఉంచడం వంటివి జరిగాయి. గత ఏడాది జరిగిన హత్యాయత్నం తర్వాత పూర్తిస్థాయి మెడికల్ రికార్డులను విడుదల చేయకపోవడంతో ఆయన ఆరోగ్యం విషయంలో పారదర్శకతపై ప్రశ్నలు తలెత్తుతున్నాయి.