హైదరాబాద్‌లో యువరాజ్ సింగ్ సందడి.. ఇదిగో వీడియో!

భారత మాజీ స్టార్ క్రికెటర్ యువరాజ్ సింగ్ హైదరాబాద్‌లో పర్యటిస్తున్నాడు. నిన్న రాత్రి నగరానికి చేరుకున్న ఆయనకు శంషాబాద్ విమానాశ్రయంలో అభిమానులు ఘనంగా స్వాగతం పలికారు. తమ అభిమాన క్రికెటర్‌ను చూసేందుకు పెద్ద సంఖ్యలో తరలివచ్చారు.

ఈరోజు సాయంత్రం 5 గంటలకు నోవాటెల్‌లో జరగనున్న 'బిగ్ అకాడమీ' గ్రాండ్ ఓపెనింగ్ కార్యక్రమానికి యువరాజ్ ముఖ్య అతిథిగా హాజరుకానున్నాడు. ఐఐటీ-జేఈఈ, నీట్ కోచింగ్ ఇచ్చే ఈ అకాడమీకి ఆయన బ్రాండ్ అంబాసిడర్‌గా వ్యవహరిస్తున్న విషయం తెలిసిందే. ఈ ప్రారంభోత్సవంలో భాగంగానే యువరాజ్ నగరానికి వచ్చాడు.