కోనసీమ గ్యాస్ లీకేజీ: రంగంలోకి దిగిన మంత్రులు... మరో 48 గంటల్లో పరిస్థితి అదుపులోకి!
కోనసీమ జిల్లా, మలికిపురం మండలంలోని ఓఎన్జీసీ డ్రిల్ సైట్లో గ్యాస్ లీకై భారీగా మంటలు చెలరేగడంపై రాష్ట్ర ప్రభుత్వం తక్షణమే స్పందించింది. సీఎం చంద్రబాబు ఆదేశాలతో మంత్రి అచ్చెన్నాయుడు ఈ ఘటనపై సమీక్ష జరిపారు. అధికారులకు కీలక ఆదేశాలు జారీ చేశారు. దీనిపై మరో మంత్రి వాసంశెట్టి సుభాష్ కూడా స్పందించారు. ఆయన కూడా క్షేత్రస్థాయిలో పరిశీలించి ఓఎన్జీసీ అధికారులతో మాట్లాడారు. ప్రజలెవరూ ఆందోళన చెందవద్దని భరోసా ఇచ్చారు.
ఈ ఘటనపై మంత్రి అచ్చెన్నాయుడు జిల్లా కలెక్టర్, ఎస్పీలతో ఫోన్లో మాట్లాడి పరిస్థితిని సమీక్షించారు. స్థానిక ప్రజలకు ఎలాంటి ప్రాణాపాయం జరగకుండా తక్షణమే చర్యలు చేపట్టాలని ఆదేశించారు. ఘటనా స్థలానికి సమీపంలో ఉన్న వారిని సురక్షిత ప్రాంతాలకు తరలించాలని, ఓఎన్జీసీ నిపుణులతో సమన్వయం చేసుకుని మంటలను వీలైనంత త్వరగా అదుపులోకి తీసుకురావాలని సూచించారు. గ్యాస్ ప్రభావం ప్రజలపై పడకుండా ముందుజాగ్రత్తగా అందరికీ మాస్కులు పంపిణీ చేయాలని కూడా ఆయన ఆదేశించారు.
మరో మంత్రి వాసంశెట్టి సుభాష్ స్పందిస్తూ, ఈ ప్రమాదంలో ఎలాంటి ప్రాణనష్టం జరగలేదని స్పష్టం చేశారు. స్థానిక ప్రజలను, సమీపంలోని మూడు పాఠశాలల విద్యార్థులను సురక్షిత ప్రాంతాలకు తరలించినట్లు తెలిపారు. ఓఎన్జీసీ అధికారులతో తాను నిరంతరం మాట్లాడుతున్నానని, వారి బృందం ఘటనా స్థలానికి చేరుకున్న తర్వాత మంటలను అదుపు చేసే విధానంపై పూర్తి స్పష్టత వస్తుందని అన్నారు. ప్రభుత్వం అన్ని రకాల రక్షణ చర్యలు తీసుకుంటుందని, ఎవరూ భయపడాల్సిన అవసరం లేదని ఆయన హామీ ఇచ్చారు.
మలికిపురం మండలం ఇరుసుమండ వద్ద మూసివేసిన ఓఎన్జీసీ రిగ్ పైప్లైన్ నుంచి గ్యాస్ లీకై మంటలు అంటుకున్నట్లు అధికారులు ప్రాథమికంగా గుర్తించారు. సమాచారం అందిన వెంటనే అగ్నిమాపక సిబ్బంది, రెవెన్యూ, పోలీస్ యంత్రాంగం రంగంలోకి దిగి సహాయక చర్యలను ముమ్మరం చేశాయి. రాబోయే 24 నుంచి 48 గంటల్లో మంటలను పూర్తిగా అదుపు చేసి, లీకేజీని అరికట్టి పరిస్థితిని సాధారణ స్థితికి తీసుకువస్తామని సంబంధిత అధికారులు ప్రభుత్వానికి నివేదించినట్లు మంత్రి సుభాష్ వెల్లడించారు. ప్రభుత్వం ఎప్పటికప్పుడు పరిస్థితిని సమీక్షిస్తూ తగిన చర్యలు తీసుకుంటోందని పునరుద్ఘాటించారు.
ఈ ఘటనపై మంత్రి అచ్చెన్నాయుడు జిల్లా కలెక్టర్, ఎస్పీలతో ఫోన్లో మాట్లాడి పరిస్థితిని సమీక్షించారు. స్థానిక ప్రజలకు ఎలాంటి ప్రాణాపాయం జరగకుండా తక్షణమే చర్యలు చేపట్టాలని ఆదేశించారు. ఘటనా స్థలానికి సమీపంలో ఉన్న వారిని సురక్షిత ప్రాంతాలకు తరలించాలని, ఓఎన్జీసీ నిపుణులతో సమన్వయం చేసుకుని మంటలను వీలైనంత త్వరగా అదుపులోకి తీసుకురావాలని సూచించారు. గ్యాస్ ప్రభావం ప్రజలపై పడకుండా ముందుజాగ్రత్తగా అందరికీ మాస్కులు పంపిణీ చేయాలని కూడా ఆయన ఆదేశించారు.
మరో మంత్రి వాసంశెట్టి సుభాష్ స్పందిస్తూ, ఈ ప్రమాదంలో ఎలాంటి ప్రాణనష్టం జరగలేదని స్పష్టం చేశారు. స్థానిక ప్రజలను, సమీపంలోని మూడు పాఠశాలల విద్యార్థులను సురక్షిత ప్రాంతాలకు తరలించినట్లు తెలిపారు. ఓఎన్జీసీ అధికారులతో తాను నిరంతరం మాట్లాడుతున్నానని, వారి బృందం ఘటనా స్థలానికి చేరుకున్న తర్వాత మంటలను అదుపు చేసే విధానంపై పూర్తి స్పష్టత వస్తుందని అన్నారు. ప్రభుత్వం అన్ని రకాల రక్షణ చర్యలు తీసుకుంటుందని, ఎవరూ భయపడాల్సిన అవసరం లేదని ఆయన హామీ ఇచ్చారు.
మలికిపురం మండలం ఇరుసుమండ వద్ద మూసివేసిన ఓఎన్జీసీ రిగ్ పైప్లైన్ నుంచి గ్యాస్ లీకై మంటలు అంటుకున్నట్లు అధికారులు ప్రాథమికంగా గుర్తించారు. సమాచారం అందిన వెంటనే అగ్నిమాపక సిబ్బంది, రెవెన్యూ, పోలీస్ యంత్రాంగం రంగంలోకి దిగి సహాయక చర్యలను ముమ్మరం చేశాయి. రాబోయే 24 నుంచి 48 గంటల్లో మంటలను పూర్తిగా అదుపు చేసి, లీకేజీని అరికట్టి పరిస్థితిని సాధారణ స్థితికి తీసుకువస్తామని సంబంధిత అధికారులు ప్రభుత్వానికి నివేదించినట్లు మంత్రి సుభాష్ వెల్లడించారు. ప్రభుత్వం ఎప్పటికప్పుడు పరిస్థితిని సమీక్షిస్తూ తగిన చర్యలు తీసుకుంటోందని పునరుద్ఘాటించారు.
