అనుమానంతో ప్రియురాలిని కత్తితో పొడిచి చంపిన ప్రియుడు

తెలంగాణలో నిర్మల్ జిల్లా భైంసా పట్టణంలో ఒక విషాదకర సంఘటన చోటుచేసుకుంది. ఒక యువకుడు, తన ప్రియురాలు మరొక వ్యక్తితో సన్నిహితంగా ఉంటోందనే అనుమానంతో ఆమెను కత్తితో పొడిచి దారుణంగా హత్య చేశాడు. అనంతరం, నిందితుడు పోలీసులకు లొంగిపోయాడు. ఈ ఘటన భైంసా పట్టణంలోని సంతోషీమాత ఆలయం సమీపంలో చోటుచేసుకుంది.

అశ్విని (27) అనే మహిళ రెండేళ్ల క్రితం తన భర్త నుంచి విడాకులు తీసుకుంది. ఆ తరువాత, నగేశ్ అనే వ్యక్తితో ప్రేమలో పడి, అతనితో కలిసి భైంసాలో నివాసం ఉంటోంది. నగేశ్, అశ్వినికి టీ స్టాల్ ఏర్పాటు చేశాడు. అయితే, అశ్విని టీ స్టాల్‌కు తరుచూ వచ్చే ఒక వ్యక్తితో చనువుగా ఉంటోందని నగేశ్‌కు అనుమానం కలిగింది.

ఈ విషయంపై అశ్విని, నగేశ్ మధ్య తీవ్ర వాగ్వాదం జరిగింది. ఆవేశానికి లోనైన నగేశ్, అశ్వినిని కత్తితో పొడిచి హత్య చేశాడు. రక్తపు మడుగులో పడి ఉన్న అశ్వినిని, ఆమె పక్కనే కత్తితో నిలబడి ఉన్న నగేశ్‌ను చూసిన స్థానికులు వెంటనే పోలీసులకు సమాచారం అందించారు. పోలీసులు సంఘటనా స్థలానికి చేరుకున్న నిందితుడిని అదుపులోకి తీసుకుని విచారణ చేపట్టారు.