కూతురిపై ప్రేమను కురిపించిన అల్లు అర్జున్.. 'నా లిటిల్ ప్రిన్సెస్' అంటూ స్పెషల్ పోస్ట్

ఐకాన్ స్టార్ అల్లు అర్జున్ తన కుమార్తె అల్లు అర్హపై తనకున్న ప్రేమను మరోసారి చాటుకున్నారు. శుక్రవారం అర్హ తొమ్మిదో పుట్టినరోజు సందర్భంగా, ఆయన ఇన్‌స్టాగ్రామ్‌లో ఒక హృద్యమైన పోస్ట్ చేశారు. తండ్రీకూతుళ్లిద్దరూ సంప్రదాయ దుస్తుల్లో ఒకరినొకరు చూసుకుంటూ నవ్వుతున్న అందమైన ఫోటోను పంచుకున్నారు. "నా లిటిల్ ప్రిన్సెస్ అల్లు అర్హకు పుట్టినరోజు శుభాకాంక్షలు" అని క్యాప్షన్ జోడించారు. ఈ పోస్ట్ ప్రస్తుతం సోషల్ మీడియాలో వైరల్‌గా మారింది.

2011లో అల్లు అర్జున్, స్నేహారెడ్డి వివాహం చేసుకోగా, వారికి 2014లో కుమారుడు అయాన్, 2016లో కుమార్తె అర్హ జన్మించారు. అర్హ ఇప్పటికే 'శాకుంతలం' చిత్రంలో భరతుడి పాత్రలో నటించి వెండితెర అరంగేట్రం చేసింది. తన నటనతో చిన్న వయసులోనే మంచి గుర్తింపు తెచ్చుకుంది.

ఇక సినిమాల విషయానికొస్తే, అల్లు అర్జున్ ఇటీవల 'పుష్ప 2: ది రూల్' చిత్రంతో భారీ విజయాన్ని అందుకున్నారు. ప్రస్తుతం ఆయన తమిళ దర్శకుడు అట్లీ దర్శకత్వంలో తన తదుపరి సినిమా (AA22xA6) కోసం సిద్ధమవుతున్నారు. ఇది పాన్-ఇండియా స్థాయిలో భారీ బడ్జెట్‌తో సైన్స్-ఫిక్షన్ యాక్షన్ చిత్రంగా తెరకెక్కనుంది. ఇటీవలే తన సోదరుడు అల్లు శిరీష్ నిశ్చితార్థంతో అల్లు కుటుంబంలో వేడుకలు జరిగిన విషయం తెలిసిందే.