ఇందిరా గాంధీ చేసిన పొరపాటు అదే.. ఆపరేషన్ బ్లూస్టార్పై చిదంబరం సంచలన వ్యాఖ్యలు
- ఆపరేషన్ బ్లూస్టార్ ఒక తప్పుడు మార్గం అని వ్యాఖ్యానించిన చిదంబరం
- ఆ పొరపాటుకు ఇందిరా గాంధీ ప్రాణాలతో మూల్యం చెల్లించారన్న కాంగ్రెస్ నేత
- అయితే అది ఇందిర ఒక్కరి నిర్ణయం కాదని, సమష్టి నిర్ణయమని వెల్లడి
- పంజాబ్లో ఖలిస్థాన్ వాదం ఇప్పుడు దాదాపుగా కనుమరుగైందన్న సీనియర్ నేత
1984 నాటి ఆపరేషన్ బ్లూస్టార్పై కాంగ్రెస్ సీనియర్ నేత, కేంద్ర మాజీ మంత్రి పి. చిదంబరం సంచలన వ్యాఖ్యలు చేశారు. పంజాబ్లోని స్వర్ణ దేవాలయాన్ని ఉగ్రవాదుల నుంచి విడిపించేందుకు సైన్యాన్ని ఉపయోగించడం ఒక ‘తప్పుడు మార్గం’ అని ఆయన అభివర్ణించారు. ఆ పొరపాటుకు నాటి ప్రధాని ఇందిరా గాంధీ తన ప్రాణాలతో మూల్యం చెల్లించుకున్నారని వ్యాఖ్యానించారు.
కసౌలీలో జరిగిన ఒక సాహిత్య కార్యక్రమంలో పాల్గొన్న చిదంబరం ఈ కీలక వ్యాఖ్యలు చేశారు. "సైనిక అధికారుల పట్ల నాకు ఎలాంటి అగౌరవం లేదు, కానీ స్వర్ణ దేవాలయాన్ని స్వాధీనం చేసుకోవడానికి అది సరైన పద్ధతి కాదు. కొన్నేళ్ల తర్వాత సైన్యాన్ని దూరంగా ఉంచి, సరైన పద్ధతిలో ఎలా చేయాలో మేమే చూపించాం. బ్లూస్టార్ ఒక తప్పుడు విధానం, ఆ తప్పు వల్లే ఇందిరా గాంధీ తన జీవితాన్ని కోల్పోయారని నేను అంగీకరిస్తున్నాను" అని చిదంబరం స్పష్టం చేశారు. అయితే, ఆ నిర్ణయం కేవలం ఇందిరా గాంధీ ఒక్కరిదే కాదని, సైన్యం, పోలీసులు, నిఘా వర్గాలు, సివిల్ సర్వీస్ అధికారులందరి సమష్టి నిర్ణయమని ఆయన వివరించారు.
ప్రస్తుత పంజాబ్ పరిస్థితిపై కూడా చిదంబరం స్పందించారు. పంజాబ్లో ఖలిస్థాన్ లేదా ప్రత్యేక దేశం కోసం డిమాండ్లు దాదాపుగా కనుమరుగయ్యాయని ఆయన అభిప్రాయపడ్డారు. ప్రస్తుతం రాష్ట్రం ఎదుర్కొంటున్న అతిపెద్ద సమస్య ఆర్థిక దుస్థితేనని పేర్కొన్నారు. "నేను పంజాబ్లో పర్యటించినప్పుడు నాకు అర్థమైంది ఏమిటంటే, అక్కడ వేర్పాటువాదం దాదాపుగా చచ్చిపోయింది. ఆర్థిక సమస్యలే అసలైన సవాలుగా మారాయి" అని ఆయన తెలిపారు.
ఏమిటీ ఆపరేషన్ బ్లూస్టార్?
1984 జూన్ 1 నుంచి 8 వరకు అమృత్సర్లోని స్వర్ణ దేవాలయంలో ఆపరేషన్ బ్లూస్టార్ జరిగింది. ఖలిస్థాన్ వేర్పాటువాద నేత జర్నైల్ సింగ్ భింద్రాన్వాలే, అతడి అనుచరులను ఆలయం నుంచి ఏరివేసేందుకు నాటి ఇందిరా గాంధీ ప్రభుత్వం సైనిక చర్య చేపట్టింది. ఈ ఆపరేషన్లో వందలాది మంది మరణించారు. ఈ ఘటన సిక్కుల మనోభావాలను తీవ్రంగా దెబ్బతీసింది. దీనికి ప్రతీకారంగా, అదే ఏడాది అక్టోబర్ 31న ఇందిరా గాంధీని ఆమె సిక్కు బాడీగార్డులే హత్య చేశారు.
కసౌలీలో జరిగిన ఒక సాహిత్య కార్యక్రమంలో పాల్గొన్న చిదంబరం ఈ కీలక వ్యాఖ్యలు చేశారు. "సైనిక అధికారుల పట్ల నాకు ఎలాంటి అగౌరవం లేదు, కానీ స్వర్ణ దేవాలయాన్ని స్వాధీనం చేసుకోవడానికి అది సరైన పద్ధతి కాదు. కొన్నేళ్ల తర్వాత సైన్యాన్ని దూరంగా ఉంచి, సరైన పద్ధతిలో ఎలా చేయాలో మేమే చూపించాం. బ్లూస్టార్ ఒక తప్పుడు విధానం, ఆ తప్పు వల్లే ఇందిరా గాంధీ తన జీవితాన్ని కోల్పోయారని నేను అంగీకరిస్తున్నాను" అని చిదంబరం స్పష్టం చేశారు. అయితే, ఆ నిర్ణయం కేవలం ఇందిరా గాంధీ ఒక్కరిదే కాదని, సైన్యం, పోలీసులు, నిఘా వర్గాలు, సివిల్ సర్వీస్ అధికారులందరి సమష్టి నిర్ణయమని ఆయన వివరించారు.
ప్రస్తుత పంజాబ్ పరిస్థితిపై కూడా చిదంబరం స్పందించారు. పంజాబ్లో ఖలిస్థాన్ లేదా ప్రత్యేక దేశం కోసం డిమాండ్లు దాదాపుగా కనుమరుగయ్యాయని ఆయన అభిప్రాయపడ్డారు. ప్రస్తుతం రాష్ట్రం ఎదుర్కొంటున్న అతిపెద్ద సమస్య ఆర్థిక దుస్థితేనని పేర్కొన్నారు. "నేను పంజాబ్లో పర్యటించినప్పుడు నాకు అర్థమైంది ఏమిటంటే, అక్కడ వేర్పాటువాదం దాదాపుగా చచ్చిపోయింది. ఆర్థిక సమస్యలే అసలైన సవాలుగా మారాయి" అని ఆయన తెలిపారు.
ఏమిటీ ఆపరేషన్ బ్లూస్టార్?
1984 జూన్ 1 నుంచి 8 వరకు అమృత్సర్లోని స్వర్ణ దేవాలయంలో ఆపరేషన్ బ్లూస్టార్ జరిగింది. ఖలిస్థాన్ వేర్పాటువాద నేత జర్నైల్ సింగ్ భింద్రాన్వాలే, అతడి అనుచరులను ఆలయం నుంచి ఏరివేసేందుకు నాటి ఇందిరా గాంధీ ప్రభుత్వం సైనిక చర్య చేపట్టింది. ఈ ఆపరేషన్లో వందలాది మంది మరణించారు. ఈ ఘటన సిక్కుల మనోభావాలను తీవ్రంగా దెబ్బతీసింది. దీనికి ప్రతీకారంగా, అదే ఏడాది అక్టోబర్ 31న ఇందిరా గాంధీని ఆమె సిక్కు బాడీగార్డులే హత్య చేశారు.