Hyderabad rape case: మహిళపై హత్యాచారం... హైదరాబాదులో ముగ్గురు డ్రైవర్ల అరెస్ట్
సైబరాబాద్ కమిషనరేట్ పరిధిలోని కిస్మత్పూర్లో తీవ్ర సంచలనం సృష్టించిన 32 ఏళ్ల మహిళ కిడ్నాప్, సామూహిక అత్యాచారం, హత్య కేసు మిస్టరీని పోలీసులు ఛేదించారు. ఈ దారుణానికి పాల్పడిన ఇద్దరు ఆటో డ్రైవర్లు, ఒక కారు డ్రైవర్తో సహా మొత్తం ముగ్గురు నిందితులను అరెస్ట్ చేశారు. వారం రోజుల క్రితం మహిళ మృతదేహం లభ్యం కాగా, పోలీసులు వేగంగా దర్యాప్తు చేసి నిందితులను పట్టుకున్నారు.
పోలీసులు వెల్లడించిన వివరాల ప్రకారం, ఈ కేసులో గులాం దస్తగిరి ఖాన్ (26), మొహమ్మద్ ఇమ్రాన్ (25) అనే ఆటో డ్రైవర్లతో పాటు మేక దుర్గా రెడ్డి అనే కారు డ్రైవర్ను అదుపులోకి తీసుకున్నారు. మూడు రోజులుగా కనిపించకుండా పోయిన బాధిత మహిళ, సెప్టెంబర్ 14న మద్యం మత్తులో ఉండగా కారు డ్రైవర్ దుర్గా రెడ్డి కంటపడింది. ఆమెను మాటలతో నమ్మించి తన వాహనంలో ఎక్కించుకున్నాడు. ఆమెకు బీరు, బిర్యానీ కొనిచ్చి సత్మరాయ్లోని ఓ ఫంక్షన్ హాల్ సమీపంలోకి తీసుకెళ్లి లైంగిక దాడికి పాల్పడ్డాడు. అనంతరం ఆమెను ఆరాంఘర్ చౌరస్తా వద్ద పిల్లర్ నంబర్ 306 దగ్గర వదిలేసి వెళ్లిపోయాడు.
అక్కడే ఉన్న ఆటో డ్రైవర్లు దస్తగిరి, ఇమ్రాన్.. ఒంటరిగా ఉన్న మహిళను బలవంతంగా తమ ఆటోలో ఎక్కించుకున్నారు. కిస్మత్పూర్ బ్రిడ్జి వద్దకు తీసుకెళ్లి ఆమెపై సామూహిక అత్యాచారానికి పాల్పడ్డారు. ఆమె తీవ్రంగా ప్రతిఘటించడంతో, నిందితుడు ఖాన్ కర్రలతో విచక్షణారహితంగా దాడి చేసి ఆమెను హత్య చేశాడు. తర్వాత మృతదేహాన్ని పొదల్లో పడేసి అక్కడి నుంచి పరారయ్యారు.
రెండు రోజుల తర్వాత స్థానికులు కుళ్లిన స్థితిలో ఉన్న మృతదేహాన్ని గమనించి పోలీసులకు సమాచారం అందించారు. రంగంలోకి దిగిన రాజేంద్రనగర్ పోలీసులు, సైబరాబాద్ స్పెషల్ ఆపరేషన్స్ టీమ్ ఘటనా స్థలానికి వెళ్లే మార్గాల్లోని సీసీటీవీ ఫుటేజీలను క్షుణ్ణంగా పరిశీలించారు. ఓ ఆటోలో మహిళను తీసుకెళుతున్న దృశ్యాల ఆధారంగా నిందితులను గుర్తించి అదుపులోకి తీసుకున్నారు. విచారణలో వారు నేరాన్ని అంగీకరించారు. వారిచ్చిన సమాచారంతో, మహిళను మొదట ఆరాంఘర్ వద్ద వదిలివెళ్లిన కారు డ్రైవర్ దుర్గా రెడ్డిని కూడా అరెస్ట్ చేశారు. విచారణలో తాను కూడా ఆమెపై లైంగిక దాడి చేసినట్లు దుర్గా రెడ్డి ఒప్పుకున్నాడు. అరెస్టయిన ముగ్గురు నిందితులపై గతంలోనూ దొంగతనాలు, దాడులకు సంబంధించిన పలు కేసులు నమోదై ఉన్నాయని పోలీసులు తెలిపారు.
పోలీసులు వెల్లడించిన వివరాల ప్రకారం, ఈ కేసులో గులాం దస్తగిరి ఖాన్ (26), మొహమ్మద్ ఇమ్రాన్ (25) అనే ఆటో డ్రైవర్లతో పాటు మేక దుర్గా రెడ్డి అనే కారు డ్రైవర్ను అదుపులోకి తీసుకున్నారు. మూడు రోజులుగా కనిపించకుండా పోయిన బాధిత మహిళ, సెప్టెంబర్ 14న మద్యం మత్తులో ఉండగా కారు డ్రైవర్ దుర్గా రెడ్డి కంటపడింది. ఆమెను మాటలతో నమ్మించి తన వాహనంలో ఎక్కించుకున్నాడు. ఆమెకు బీరు, బిర్యానీ కొనిచ్చి సత్మరాయ్లోని ఓ ఫంక్షన్ హాల్ సమీపంలోకి తీసుకెళ్లి లైంగిక దాడికి పాల్పడ్డాడు. అనంతరం ఆమెను ఆరాంఘర్ చౌరస్తా వద్ద పిల్లర్ నంబర్ 306 దగ్గర వదిలేసి వెళ్లిపోయాడు.
అక్కడే ఉన్న ఆటో డ్రైవర్లు దస్తగిరి, ఇమ్రాన్.. ఒంటరిగా ఉన్న మహిళను బలవంతంగా తమ ఆటోలో ఎక్కించుకున్నారు. కిస్మత్పూర్ బ్రిడ్జి వద్దకు తీసుకెళ్లి ఆమెపై సామూహిక అత్యాచారానికి పాల్పడ్డారు. ఆమె తీవ్రంగా ప్రతిఘటించడంతో, నిందితుడు ఖాన్ కర్రలతో విచక్షణారహితంగా దాడి చేసి ఆమెను హత్య చేశాడు. తర్వాత మృతదేహాన్ని పొదల్లో పడేసి అక్కడి నుంచి పరారయ్యారు.
రెండు రోజుల తర్వాత స్థానికులు కుళ్లిన స్థితిలో ఉన్న మృతదేహాన్ని గమనించి పోలీసులకు సమాచారం అందించారు. రంగంలోకి దిగిన రాజేంద్రనగర్ పోలీసులు, సైబరాబాద్ స్పెషల్ ఆపరేషన్స్ టీమ్ ఘటనా స్థలానికి వెళ్లే మార్గాల్లోని సీసీటీవీ ఫుటేజీలను క్షుణ్ణంగా పరిశీలించారు. ఓ ఆటోలో మహిళను తీసుకెళుతున్న దృశ్యాల ఆధారంగా నిందితులను గుర్తించి అదుపులోకి తీసుకున్నారు. విచారణలో వారు నేరాన్ని అంగీకరించారు. వారిచ్చిన సమాచారంతో, మహిళను మొదట ఆరాంఘర్ వద్ద వదిలివెళ్లిన కారు డ్రైవర్ దుర్గా రెడ్డిని కూడా అరెస్ట్ చేశారు. విచారణలో తాను కూడా ఆమెపై లైంగిక దాడి చేసినట్లు దుర్గా రెడ్డి ఒప్పుకున్నాడు. అరెస్టయిన ముగ్గురు నిందితులపై గతంలోనూ దొంగతనాలు, దాడులకు సంబంధించిన పలు కేసులు నమోదై ఉన్నాయని పోలీసులు తెలిపారు.
