PM Modi Birthday: ప్రధాని మోదీకి టాలీవుడ్ అగ్ర హీరోల బర్త్ డే విషెస్
ప్రధాని నరేంద్ర మోదీ 75వ పుట్టినరోజు సందర్భంగా టాలీవుడ్ అగ్ర నటులు చిరంజీవి, నాగార్జున, విజయ్ దేవరకొండ సోషల్ మీడియా వేదికగా ఆయనకు హృదయపూర్వక శుభాకాంక్షలు తెలియజేశారు. ప్రధాని ఆరోగ్యంగా ఉండాలని ఆకాంక్షిస్తూ తమ అభిమానాన్ని చాటుకున్నారు. ముఖ్యంగా నటుడు నాగార్జున ప్రధానితో తనకున్న పాత జ్ఞాపకాలను గుర్తుచేసుకుంటూ ఒక ప్రత్యేక వీడియో సందేశాన్ని పంచుకున్నారు.
మెగాస్టార్ చిరంజీవి 'ఎక్స్' (ట్విట్టర్) ద్వారా ప్రధానికి శుభాకాంక్షలు తెలిపారు. "భారతదేశాన్ని ప్రగతి, కీర్తి పథంలో మరింత ఉన్నత శిఖరాలకు నడిపించేందుకు మీకు మంచి ఆరోగ్యం, శక్తి, వివేకం లభించాలని కోరుకుంటున్నాను" అని తన పోస్ట్లో పేర్కొన్నారు. యువ హీరో విజయ్ దేవరకొండ సైతం ప్రధానిని ప్రశంసిస్తూ పోస్ట్ పెట్టారు. "ఆయన ఎప్పుడూ శక్తితో, ఒక లక్ష్యంతో ఉండే ఒక పవర్హౌస్ లాంటి వ్యక్తి. మీరు మరెన్నో సంవత్సరాలు ఆరోగ్యంగా, ఉత్సాహంగా ఉండాలి సార్. మీకు నా అభినందనలు" అని విజయ్ రాసుకొచ్చారు.
మరోవైపు, ప్రముఖ నటుడు అక్కినేని నాగార్జున ‘మైమోదీస్టోరీ’ హ్యాష్ట్యాగ్తో ఒక ప్రత్యేక వీడియోను పంచుకున్నారు. 2014లో గాంధీనగర్లో ప్రధానితో జరిగిన తన తొలి సమావేశాన్ని ఆయన గుర్తుచేసుకున్నారు. గుజరాత్ ముఖ్యమంత్రిగా మోదీ చేసిన అభివృద్ధి పనులకు తాను ఎప్పటినుంచో అభిమానినని నాగార్జున తెలిపారు. ఆ సమావేశంలో మోదీ తనకు జీవితానికి సరిపడా పాఠాలు నేర్పారని అన్నారు. "వినయం, సానుభూతి మానవులకు చాలా అవసరం అని ఆయన నాకు చెప్పారు. ఆ మీటింగ్ నుంచి నేను నేర్చుకున్న ముఖ్యమైన విషయం అదే" అని నాగార్జున వివరించారు.
అంతేకాకుండా, తన తండ్రి, దివంగత నటుడు అక్కినేని నాగేశ్వరరావును ప్రధాని మోదీ తన 'మన్ కీ బాత్' కార్యక్రమంలో "భారత సినిమా దిగ్గజాలలో ఒకరు" అని ప్రస్తావించడం వల్లే ఆ భేటీ జరిగిందని నాగార్జున తెలిపారు. దేశాన్ని ఉన్నత స్థానంలో నిలబెట్టేందుకు మోదీ తన వ్యక్తిగత జీవితంలో ఎన్నో త్యాగాలు చేశారని కొనియాడుతూ ఆయనకు పుట్టినరోజు శుభాకాంక్షలు తెలియజేశారు.
మెగాస్టార్ చిరంజీవి 'ఎక్స్' (ట్విట్టర్) ద్వారా ప్రధానికి శుభాకాంక్షలు తెలిపారు. "భారతదేశాన్ని ప్రగతి, కీర్తి పథంలో మరింత ఉన్నత శిఖరాలకు నడిపించేందుకు మీకు మంచి ఆరోగ్యం, శక్తి, వివేకం లభించాలని కోరుకుంటున్నాను" అని తన పోస్ట్లో పేర్కొన్నారు. యువ హీరో విజయ్ దేవరకొండ సైతం ప్రధానిని ప్రశంసిస్తూ పోస్ట్ పెట్టారు. "ఆయన ఎప్పుడూ శక్తితో, ఒక లక్ష్యంతో ఉండే ఒక పవర్హౌస్ లాంటి వ్యక్తి. మీరు మరెన్నో సంవత్సరాలు ఆరోగ్యంగా, ఉత్సాహంగా ఉండాలి సార్. మీకు నా అభినందనలు" అని విజయ్ రాసుకొచ్చారు.
మరోవైపు, ప్రముఖ నటుడు అక్కినేని నాగార్జున ‘మైమోదీస్టోరీ’ హ్యాష్ట్యాగ్తో ఒక ప్రత్యేక వీడియోను పంచుకున్నారు. 2014లో గాంధీనగర్లో ప్రధానితో జరిగిన తన తొలి సమావేశాన్ని ఆయన గుర్తుచేసుకున్నారు. గుజరాత్ ముఖ్యమంత్రిగా మోదీ చేసిన అభివృద్ధి పనులకు తాను ఎప్పటినుంచో అభిమానినని నాగార్జున తెలిపారు. ఆ సమావేశంలో మోదీ తనకు జీవితానికి సరిపడా పాఠాలు నేర్పారని అన్నారు. "వినయం, సానుభూతి మానవులకు చాలా అవసరం అని ఆయన నాకు చెప్పారు. ఆ మీటింగ్ నుంచి నేను నేర్చుకున్న ముఖ్యమైన విషయం అదే" అని నాగార్జున వివరించారు.
అంతేకాకుండా, తన తండ్రి, దివంగత నటుడు అక్కినేని నాగేశ్వరరావును ప్రధాని మోదీ తన 'మన్ కీ బాత్' కార్యక్రమంలో "భారత సినిమా దిగ్గజాలలో ఒకరు" అని ప్రస్తావించడం వల్లే ఆ భేటీ జరిగిందని నాగార్జున తెలిపారు. దేశాన్ని ఉన్నత స్థానంలో నిలబెట్టేందుకు మోదీ తన వ్యక్తిగత జీవితంలో ఎన్నో త్యాగాలు చేశారని కొనియాడుతూ ఆయనకు పుట్టినరోజు శుభాకాంక్షలు తెలియజేశారు.
