సీటింగ్ అవమానం.. స్వాతంత్ర్య వేడుకలను బహిష్కరించిన కాంగ్రెస్ అగ్రనేతలు?
- ఎర్రకోటలో స్వాతంత్ర్య వేడుకలకు దూరంగా రాహుల్, ఖర్గే
- గతేడాది సీటింగ్ వివాదంతోనే గైర్హాజరైనట్లు ఊహాగానాలు
- రాహుల్ గైర్హాజరుపై బీజేపీ తీవ్ర విమర్శలు
- పార్టీ కార్యాలయాల్లో వేడుకల్లో పాల్గొన్న కాంగ్రెస్ నేతలు
ఢిల్లీలోని ఎర్రకోటలో నేడు జరిగిన 79వ స్వాతంత్ర్య వేడుకలకు కాంగ్రెస్ అగ్రనేతలు మల్లికార్జున ఖర్గే, రాహుల్ గాంధీ హాజరుకాకపోవడం రాజకీయంగా చర్చనీయాంశమైంది. గతేడాది జరిగిన కార్యక్రమంలో రాహుల్ గాంధీకి కేటాయించిన సీటుపై నెలకొన్న వివాదం కారణంగానే వారు ఈసారి వేడుకలకు దూరంగా ఉన్నారనే ఊహాగానాలు బలంగా వినిపిస్తున్నాయి.
ఈ విషయంపై కాంగ్రెస్ పార్టీ నుంచి అధికారికంగా ఎలాంటి ప్రకటన వెలువడనప్పటికీ, ఇద్దరు నేతలు సోషల్ మీడియా ద్వారా దేశ ప్రజలకు స్వాతంత్ర్య దినోత్సవ శుభాకాంక్షలు తెలిపారు. కాంగ్రెస్ అధ్యక్షుడు ఖర్గే పార్టీ ప్రధాన కార్యాలయంలో, రాహుల్ గాంధీ ఇందిరా భవన్లో జరిగిన వేడుకల్లో పాల్గొన్నారు. "గొప్ప స్వాతంత్ర్య సమరయోధుల త్యాగాలతో సాధించుకున్న ఈ స్వేచ్ఛ మనందరి బాధ్యత" అని రాహుల్ పేర్కొన్నారు.
అయితే, లోక్సభ ప్రతిపక్ష నేతగా ఉన్న రాహుల్ గాంధీ ఎర్రకోట వేడుకలకు గైర్హాజరు కావడంపై బీజేపీ తీవ్రంగా స్పందించింది. ఆ పార్టీ జాతీయ అధికార ప్రతినిధి షెహజాద్ పూనావాలా మాట్లాడుతూ ఇది జాతీయ వేడుక అని, మోదీపై వ్యతిరేకతతో రాహుల్ దేశ వ్యతిరేక వైఖరి ప్రదర్శిస్తున్నారని ఎక్స్ వేదికగా విమర్శించారు. ఇది రాజ్యాంగాన్ని, సైన్యాన్ని అవమానించడమేనని ఆయన ఆరోపించారు.
గతేడాది ఏం జరిగిందంటే..
గతేడాది స్వాతంత్ర్య దినోత్సవం సందర్భంగా ఈ వివాదం మొదలైంది. క్యాబినెట్ మంత్రి హోదా ఉన్న రాహుల్ గాంధీకి ప్రొటోకాల్ ప్రకారం ముందు వరుసలో సీటు కేటాయించాల్సి ఉండగా, ఆయనను దాదాపు చివరి వరుసలో కూర్చోబెట్టారు. అప్పుడు ప్రతిపక్ష నేతగా ఉన్న రాహుల్ను ఐదో వరుసలో ఒలింపిక్ పతక విజేతల వెనుక కూర్చోబెట్టడం తీవ్ర దుమారం రేపింది.
అప్పట్లో ఈ విషయంపై రక్షణ మంత్రిత్వ శాఖ వివరణ ఇచ్చింది. ఒలింపిక్ విజేతలను గౌరవించేందుకే సీటింగ్ ఏర్పాట్లలో మార్పులు చేశామని, కొందరు కేంద్ర మంత్రులు కూడా వారి వెనుక కూర్చున్నారని తెలిపింది. అయితే, కాంగ్రెస్ ఈ వివరణను తోసిపుచ్చింది. ఒలింపియన్లకు గౌరవం ఇవ్వాల్సిందేనని, కానీ కేంద్ర మంత్రులు అమిత్ షా, నిర్మలా సీతారామన్ వంటి వారు ముందు వరుసలో ఎలా కూర్చున్నారని కాంగ్రెస్ నేత కేసీ వేణుగోపాల్ ప్రశ్నించారు. ఈ నేపథ్యంలోనే ఈసారి రాహుల్, ఖర్గే వేడుకలకు హాజరుకాలేదని రాజకీయ వర్గాలు భావిస్తున్నాయి.
ఈ విషయంపై కాంగ్రెస్ పార్టీ నుంచి అధికారికంగా ఎలాంటి ప్రకటన వెలువడనప్పటికీ, ఇద్దరు నేతలు సోషల్ మీడియా ద్వారా దేశ ప్రజలకు స్వాతంత్ర్య దినోత్సవ శుభాకాంక్షలు తెలిపారు. కాంగ్రెస్ అధ్యక్షుడు ఖర్గే పార్టీ ప్రధాన కార్యాలయంలో, రాహుల్ గాంధీ ఇందిరా భవన్లో జరిగిన వేడుకల్లో పాల్గొన్నారు. "గొప్ప స్వాతంత్ర్య సమరయోధుల త్యాగాలతో సాధించుకున్న ఈ స్వేచ్ఛ మనందరి బాధ్యత" అని రాహుల్ పేర్కొన్నారు.
అయితే, లోక్సభ ప్రతిపక్ష నేతగా ఉన్న రాహుల్ గాంధీ ఎర్రకోట వేడుకలకు గైర్హాజరు కావడంపై బీజేపీ తీవ్రంగా స్పందించింది. ఆ పార్టీ జాతీయ అధికార ప్రతినిధి షెహజాద్ పూనావాలా మాట్లాడుతూ ఇది జాతీయ వేడుక అని, మోదీపై వ్యతిరేకతతో రాహుల్ దేశ వ్యతిరేక వైఖరి ప్రదర్శిస్తున్నారని ఎక్స్ వేదికగా విమర్శించారు. ఇది రాజ్యాంగాన్ని, సైన్యాన్ని అవమానించడమేనని ఆయన ఆరోపించారు.
గతేడాది ఏం జరిగిందంటే..
గతేడాది స్వాతంత్ర్య దినోత్సవం సందర్భంగా ఈ వివాదం మొదలైంది. క్యాబినెట్ మంత్రి హోదా ఉన్న రాహుల్ గాంధీకి ప్రొటోకాల్ ప్రకారం ముందు వరుసలో సీటు కేటాయించాల్సి ఉండగా, ఆయనను దాదాపు చివరి వరుసలో కూర్చోబెట్టారు. అప్పుడు ప్రతిపక్ష నేతగా ఉన్న రాహుల్ను ఐదో వరుసలో ఒలింపిక్ పతక విజేతల వెనుక కూర్చోబెట్టడం తీవ్ర దుమారం రేపింది.
అప్పట్లో ఈ విషయంపై రక్షణ మంత్రిత్వ శాఖ వివరణ ఇచ్చింది. ఒలింపిక్ విజేతలను గౌరవించేందుకే సీటింగ్ ఏర్పాట్లలో మార్పులు చేశామని, కొందరు కేంద్ర మంత్రులు కూడా వారి వెనుక కూర్చున్నారని తెలిపింది. అయితే, కాంగ్రెస్ ఈ వివరణను తోసిపుచ్చింది. ఒలింపియన్లకు గౌరవం ఇవ్వాల్సిందేనని, కానీ కేంద్ర మంత్రులు అమిత్ షా, నిర్మలా సీతారామన్ వంటి వారు ముందు వరుసలో ఎలా కూర్చున్నారని కాంగ్రెస్ నేత కేసీ వేణుగోపాల్ ప్రశ్నించారు. ఈ నేపథ్యంలోనే ఈసారి రాహుల్, ఖర్గే వేడుకలకు హాజరుకాలేదని రాజకీయ వర్గాలు భావిస్తున్నాయి.