Hyderabad Floods: డ్రైనేజీలో పడిపోయిన ఫుడ్ డెలివరీ బాయ్.. వీడియో ఇదిగో!

హైదరాబాద్ లో వారం రోజులుగా భారీ వర్షాలు కురుస్తున్న విషయం తెలిసిందే. వర్షాలకు నగర వీధులు నదీ ప్రవాహాలను తలపించేలా మారుతున్నాయి. శనివారం నాడు కురిసిన భారీ వర్షానికి వీధులు జలమయం అయ్యాయి. ఈ క్రమంలో నగరంలోని టీకేఆర్ కమాన్ సమీపంలో ఫుడ్ డెలివరీ చేసేందుకు వెళుతున్న ఓ యువకుడు బైక్ అదుపుతప్పడంతో డ్రైనేజీలో పడిపోయాడు.

బైక్, ఫుడ్ డెలివరీ బ్యాగ్ కూడా నాలాలో పడిపోయాయి. వెంటనే స్పందించిన స్థానికులు డెలివరీ బాయ్ ని, అతడి బైక్ ను బయటకు తీశారు. అయితే, బ్యాగ్, మొబైల్ ఫోన్ మాత్రం దొరకలేదు. ఈ సంఘటనకు సంబంధించిన వీడియో ప్రస్తుతం సోషల్ మీడియాలో వైరల్ గా మారింది.