Balaji Srinivasan: కొత్త దేశాన్ని నిర్మిస్తున్న భారత సంతతి వ్యాపారవేత్త... ఏకంగా దీవినే కొనేశాడు!
భారత సంతతికి చెందిన ప్రముఖ అమెరికన్ టెక్ వ్యాపారవేత్త, ఇన్వెస్టర్ బాలాజీ శ్రీనివాసన్ ఓ అసాధారణ ప్రయోగానికి తెరలేపారు. టెక్నాలజీ నిపుణులు, ఆవిష్కర్తల కోసం ప్రత్యేకంగా ఒక కొత్త దేశాన్ని సృష్టించాలనే తన 'నెట్వర్క్ స్టేట్' కలను సాకారం చేసే దిశగా ఆయన తొలి అడుగు వేశారు. ఈ ప్రయోగంలో భాగంగా సింగపూర్ సమీపంలోని ఒక ప్రైవేట్ ద్వీపాన్ని కొనుగోలు చేసి, అక్కడ 'నెట్వర్క్ స్కూల్' అనే ఒక వినూత్న కార్యక్రమాన్ని ప్రారంభించారు.
ఈ స్కూల్, బాలాజీ ప్రతిపాదించిన 'నెట్వర్క్ స్టేట్' భావనకు ఒక నమూనాగా పనిచేస్తుంది. ఆన్లైన్లో ఒకే రకమైన ఆశయాలు, విలువలు కలిగిన వ్యక్తులు ఒక సమూహంగా ఏర్పడి, ఆ తర్వాత భౌతికంగా భూభాగాన్ని సంపాదించుకుని, ప్రపంచ గుర్తింపుతో ఒక సార్వభౌమ దేశంగా ఎదగాలన్నదే ఆయన ఆలోచన. ఈ ఆలోచనను తన 'ది నెట్వర్క్ స్టేట్' పుస్తకంలో ఆయన వివరించారు.
ప్రస్తుతం ఈ ద్వీపంలో మూడు నెలల రెసిడెన్షియల్ ప్రోగ్రామ్ నడుస్తోంది. ఇందులో పాల్గొనే విద్యార్థులకు ఆర్టిఫిషియల్ ఇంటెలిజెన్స్ (ఏఐ), బ్లాక్చెయిన్, స్టార్టప్స్ స్థాపించడం వంటి అంశాలపై శిక్షణ ఇస్తున్నారు. అంతేకాకుండా, శారీరక దృఢత్వానికి కూడా అధిక ప్రాధాన్యత ఇస్తున్నారు. తాము బిట్కాయిన్ శక్తితో ఈ ద్వీపాన్ని కొనుగోలు చేశామని బాలాజీ శ్రీనివాసన్ స్వయంగా ఎక్స్ వేదికగా ప్రకటించారు. కాయిన్బేస్కు మాజీ సీటీఓగా, పలు టెక్ కంపెనీల వ్యవస్థాపకుడిగా బాలాజీకి టెక్ ప్రపంచంలో మంచి పేరుంది. ఆయన చేపట్టిన ఈ కొత్త ప్రయోగం ఇప్పుడు ప్రపంచవ్యాప్తంగా టెక్ వర్గాల్లో తీవ్ర ఆసక్తిని రేకెత్తిస్తోంది.
ఈ స్కూల్, బాలాజీ ప్రతిపాదించిన 'నెట్వర్క్ స్టేట్' భావనకు ఒక నమూనాగా పనిచేస్తుంది. ఆన్లైన్లో ఒకే రకమైన ఆశయాలు, విలువలు కలిగిన వ్యక్తులు ఒక సమూహంగా ఏర్పడి, ఆ తర్వాత భౌతికంగా భూభాగాన్ని సంపాదించుకుని, ప్రపంచ గుర్తింపుతో ఒక సార్వభౌమ దేశంగా ఎదగాలన్నదే ఆయన ఆలోచన. ఈ ఆలోచనను తన 'ది నెట్వర్క్ స్టేట్' పుస్తకంలో ఆయన వివరించారు.
ప్రస్తుతం ఈ ద్వీపంలో మూడు నెలల రెసిడెన్షియల్ ప్రోగ్రామ్ నడుస్తోంది. ఇందులో పాల్గొనే విద్యార్థులకు ఆర్టిఫిషియల్ ఇంటెలిజెన్స్ (ఏఐ), బ్లాక్చెయిన్, స్టార్టప్స్ స్థాపించడం వంటి అంశాలపై శిక్షణ ఇస్తున్నారు. అంతేకాకుండా, శారీరక దృఢత్వానికి కూడా అధిక ప్రాధాన్యత ఇస్తున్నారు. తాము బిట్కాయిన్ శక్తితో ఈ ద్వీపాన్ని కొనుగోలు చేశామని బాలాజీ శ్రీనివాసన్ స్వయంగా ఎక్స్ వేదికగా ప్రకటించారు. కాయిన్బేస్కు మాజీ సీటీఓగా, పలు టెక్ కంపెనీల వ్యవస్థాపకుడిగా బాలాజీకి టెక్ ప్రపంచంలో మంచి పేరుంది. ఆయన చేపట్టిన ఈ కొత్త ప్రయోగం ఇప్పుడు ప్రపంచవ్యాప్తంగా టెక్ వర్గాల్లో తీవ్ర ఆసక్తిని రేకెత్తిస్తోంది.
