Donald Trump: ఇరాన్పై అమెరికా బాంబు దాడులు.. భగ్గుమన్న ప్రపంచ దేశాలు
ఇజ్రాయెల్-ఇరాన్ మధ్య తీవ్రస్థాయిలో కొనసాగుతున్న వివాదంలో అమెరికా ప్రత్యక్షంగా ప్రవేశించడం ప్రపంచవ్యాప్తంగా కలకలం రేపింది. ఇరాన్లోని మూడు కీలక అణు కేంద్రాలపై అమెరికా బాంబు దాడులు చేసిందని అధ్యక్షుడు డొనాల్డ్ ట్రంప్ ప్రకటించడంతో మధ్యప్రాచ్యంలో ఉద్రిక్తతలు మరింత పెరిగాయి. ఈ పరిణామంపై ప్రపంచ దేశాల నుంచి మిశ్రమ స్పందనలు వ్యక్తమవుతున్నాయి. ఇజ్రాయెల్ ఈ చర్యను స్వాగతించగా, పలు దేశాలు తీవ్రంగా ఖండించాయి. ఐక్యరాజ్యసమితి తీవ్ర ఆందోళన వ్యక్తం చేస్తూ తక్షణమే శాంతియుత చర్చలు జరపాలని పిలుపునిచ్చింది. మరోవైపు, అమెరికా చర్యను ఇజ్రాయెల్ ప్రధాని బెంజమిన్ నెతన్యాహు స్వాగతించారు. ట్రంప్ తీసుకున్న సాహసోపేత నిర్ణయం చరిత్రను మారుస్తుందని ఆయన అన్నారు.
ఐక్యరాజ్యసమితి తీవ్ర ఆందోళన
ఇరాన్పై అమెరికా దాడులు అత్యంత ప్రమాదకరమైనవని ఐక్యరాజ్యసమితి ప్రధాన కార్యదర్శి ఆంటోనియో గుటెర్రస్ తీవ్ర ఆందోళన వ్యక్తం చేశారు. ఇప్పటికే ఉద్రిక్తంగా ఉన్న ప్రాంతంలో ఈ దాడులు ప్రపంచ శాంతి, భద్రతలకు పెను ముప్పు కలిగిస్తాయని హెచ్చరించారు. ఈ వివాదం వేగంగా అదుపుతప్పే ప్రమాదం ఉందని, ఇది సాధారణ పౌరులు, ప్రాంతం, ప్రపంచంపై విపత్కర పరిణామాలను కలిగిస్తుందని ఆందోళన వ్యక్తంచేశారు. ఈ ప్రమాదకర సమయంలో, గందరగోళం మరింత పెరగకుండా చూడటం అత్యవసరమని, దీనికి దౌత్యమే ఏకైక మార్గమని అని ఆయన స్పష్టం చేశారు.
తక్షణమే ఘర్షణలు ఆపండి
అమెరికా దాడిని పలు దేశాలు తీవ్రంగా ఖండించాయి. వెనిజులా విదేశాంగ మంత్రి వైవాన్ గిల్ మాట్లాడుతూ ఇరాన్లోని అణు కేంద్రాలపై అమెరికా సైన్యం జరిపిన బాంబు దాడిని తమ దేశం తీవ్రంగా ఖండిస్తోందని టెలిగ్రామ్లో పోస్ట్ చేశారు. తక్షణమే ఘర్షణలు ఆపాలని ఆయన డిమాండ్ చేశారు.
మధ్యప్రాచ్యంలో ఉద్రిక్తతలు తగ్గించి, శాంతి కోసం తక్షణమే దౌత్యపరమైన చర్చలు జరపాలని మెక్సికో విదేశాంగ శాఖ పిలుపునిచ్చింది. విదేశాంగ విధానంలో మా రాజ్యాంగ సూత్రాలకు, మా దేశ శాంతియుత విశ్వాసానికి అనుగుణంగా ఉద్రిక్తతలు తగ్గించాలని కోరుతున్నట్టు పేర్కొంది. ఈ ప్రాంతంలోని దేశాల మధ్య శాంతియుత సహజీవనాన్ని పునరుద్ధరించడమే అత్యంత ప్రాధాన్యమని ఆ శాఖ 'ఎక్స్' లో పోస్ట్ చేసింది.
క్యూబా అధ్యక్షుడు మిగ్యూల్ డియాజ్-కెనెల్ కూడా ఈ దాడిని తీవ్రంగా ఖండించారు. "ఇరాన్ అణు కేంద్రాలపై అమెరికా బాంబు దాడిని మేము తీవ్రంగా ఖండిస్తున్నాము. ఇది మధ్యప్రాచ్యంలో వివాదాన్ని ప్రమాదకరంగా తీవ్రతరం చేస్తుంది. ఈ దురాక్రమణ ఐక్యరాజ్యసమితి చార్టర్, అంతర్జాతీయ చట్టాలను తీవ్రంగా ఉల్లంఘిస్తుంది, మానవాళిని కోలుకోలేని పరిణామాలతో సంక్షోభంలోకి నెట్టివేస్తుంది" అని ఆయన 'ఎక్స్' లో పేర్కొన్నారు.
మధ్యప్రాచ్యంలో నెలకొన్న ఈ తాజా పరిణామాలు అంతర్జాతీయ సమాజంలో తీవ్ర ఆందోళనకు దారితీశాయి. యుద్ధ వాతావరణానికి స్వస్తి పలికి, శాంతియుత మార్గాల ద్వారా సమస్యలను పరిష్కరించుకోవాలని పలువురు ప్రపంచ నాయకులు విజ్ఞప్తి చేస్తున్నారు.
ఐక్యరాజ్యసమితి తీవ్ర ఆందోళన
ఇరాన్పై అమెరికా దాడులు అత్యంత ప్రమాదకరమైనవని ఐక్యరాజ్యసమితి ప్రధాన కార్యదర్శి ఆంటోనియో గుటెర్రస్ తీవ్ర ఆందోళన వ్యక్తం చేశారు. ఇప్పటికే ఉద్రిక్తంగా ఉన్న ప్రాంతంలో ఈ దాడులు ప్రపంచ శాంతి, భద్రతలకు పెను ముప్పు కలిగిస్తాయని హెచ్చరించారు. ఈ వివాదం వేగంగా అదుపుతప్పే ప్రమాదం ఉందని, ఇది సాధారణ పౌరులు, ప్రాంతం, ప్రపంచంపై విపత్కర పరిణామాలను కలిగిస్తుందని ఆందోళన వ్యక్తంచేశారు. ఈ ప్రమాదకర సమయంలో, గందరగోళం మరింత పెరగకుండా చూడటం అత్యవసరమని, దీనికి దౌత్యమే ఏకైక మార్గమని అని ఆయన స్పష్టం చేశారు.
తక్షణమే ఘర్షణలు ఆపండి
అమెరికా దాడిని పలు దేశాలు తీవ్రంగా ఖండించాయి. వెనిజులా విదేశాంగ మంత్రి వైవాన్ గిల్ మాట్లాడుతూ ఇరాన్లోని అణు కేంద్రాలపై అమెరికా సైన్యం జరిపిన బాంబు దాడిని తమ దేశం తీవ్రంగా ఖండిస్తోందని టెలిగ్రామ్లో పోస్ట్ చేశారు. తక్షణమే ఘర్షణలు ఆపాలని ఆయన డిమాండ్ చేశారు.
మధ్యప్రాచ్యంలో ఉద్రిక్తతలు తగ్గించి, శాంతి కోసం తక్షణమే దౌత్యపరమైన చర్చలు జరపాలని మెక్సికో విదేశాంగ శాఖ పిలుపునిచ్చింది. విదేశాంగ విధానంలో మా రాజ్యాంగ సూత్రాలకు, మా దేశ శాంతియుత విశ్వాసానికి అనుగుణంగా ఉద్రిక్తతలు తగ్గించాలని కోరుతున్నట్టు పేర్కొంది. ఈ ప్రాంతంలోని దేశాల మధ్య శాంతియుత సహజీవనాన్ని పునరుద్ధరించడమే అత్యంత ప్రాధాన్యమని ఆ శాఖ 'ఎక్స్' లో పోస్ట్ చేసింది.
క్యూబా అధ్యక్షుడు మిగ్యూల్ డియాజ్-కెనెల్ కూడా ఈ దాడిని తీవ్రంగా ఖండించారు. "ఇరాన్ అణు కేంద్రాలపై అమెరికా బాంబు దాడిని మేము తీవ్రంగా ఖండిస్తున్నాము. ఇది మధ్యప్రాచ్యంలో వివాదాన్ని ప్రమాదకరంగా తీవ్రతరం చేస్తుంది. ఈ దురాక్రమణ ఐక్యరాజ్యసమితి చార్టర్, అంతర్జాతీయ చట్టాలను తీవ్రంగా ఉల్లంఘిస్తుంది, మానవాళిని కోలుకోలేని పరిణామాలతో సంక్షోభంలోకి నెట్టివేస్తుంది" అని ఆయన 'ఎక్స్' లో పేర్కొన్నారు.
మధ్యప్రాచ్యంలో నెలకొన్న ఈ తాజా పరిణామాలు అంతర్జాతీయ సమాజంలో తీవ్ర ఆందోళనకు దారితీశాయి. యుద్ధ వాతావరణానికి స్వస్తి పలికి, శాంతియుత మార్గాల ద్వారా సమస్యలను పరిష్కరించుకోవాలని పలువురు ప్రపంచ నాయకులు విజ్ఞప్తి చేస్తున్నారు.
