KSCA: బెంగళూరు తొక్కిసలాట ఘటన.. కేఎస్సీఏ కార్యదర్శి, కోశాధికారి రాజీనామా
బెంగళూరు చిన్నస్వామి స్టేడియం వెలుపల జరిగిన తొక్కిసలాట ఘటన తీవ్ర పరిణామాలకు దారి తీసింది. ఈ దుర్ఘటనకు నైతిక బాధ్యత వహిస్తూ కర్ణాటక రాష్ట్ర క్రికెట్ అసోసియేషన్ (కేఎస్సీఏ) కార్యదర్శి ఎ. శంకర్, కోశాధికారి ఇ. జైరామ్ తమ పదవులకు రాజీనామా చేశారు. నిన్న కేఎస్సీఏ అధ్యక్షుడికి తమ రాజీనామా లేఖలను సమర్పించినట్లు వారు శనివారం ఓ పత్రికా ప్రకటనలో వెల్లడించారు.
"గత రెండు రోజులుగా చోటుచేసుకున్న దురదృష్టకర, ఊహించని పరిణామాల నేపథ్యంలో ఈ ఘటనలో మా పాత్ర పరిమితమైనప్పటికీ, నైతిక బాధ్యత వహిస్తూ కేఎస్సీఏ కార్యదర్శి, కోశాధికారి పదవుల నుంచి వైదొలగాలని నిర్ణయించుకున్నాం. 2025 జూన్ 6వ తేదీతో కూడిన మా రాజీనామా లేఖలను కేఎస్సీఏ అధ్యక్షుడికి సమర్పించాం" అని ఆ ప్రకటనలో శంకర్, జైరామ్ పేర్కొన్నారు.
ఇక, ఐపీఎల్లో చారిత్రక విజయం నేపథ్యంలో జూన్ 4న ఆర్సీబీ ఆటగాళ్లకు చిన్నస్వామి స్టేడియంలో అభినందన కార్యక్రమం ఏర్పాటు చేశారు. ఈ కార్యక్రమానికి పాసులు ఉన్నవారికే ప్రవేశం కల్పించినప్పటికీ, తమ అభిమాన ఆటగాళ్లను చూసేందుకు వేలాది మంది అభిమానులు స్టేడియం వెలుపల గుమిగూడారు. ఊహించని విధంగా భారీ సంఖ్యలో జనం తరలిరావడంతో వారిని అదుపు చేయడం కష్టతరమైంది. ఈ క్రమంలోనే తొక్కిసలాట జరిగి 11 మంది ప్రాణాలు కోల్పోగా, దాదాపు 50 మంది గాయపడ్డారు.
ఈ విషాద ఘటన అనంతరం మృతుల కుటుంబాలకు ఆర్సీబీ యాజమాన్యం నష్టపరిహారం ప్రకటించింది. అలాగే, గాయపడిన వారికి సహాయం అందించేందుకు ఓ నిధిని కూడా ఏర్పాటు చేసింది. తాజాగా కేఎస్సీఏ ఉన్నతాధికారుల రాజీనామాతో ఈ ఘటన మరోసారి చర్చనీయాంశంగా మారింది. ఈ పరిణామం బెంగళూరు నగరంపైనా, క్రికెట్ వర్గాలపైనా తీవ్ర ప్రభావం చూపింది. ఆర్సీబీ చారిత్రక విజయం ఆనందం ఆవిరై, విషాద ఛాయలు అలుముకున్నాయి.
"గత రెండు రోజులుగా చోటుచేసుకున్న దురదృష్టకర, ఊహించని పరిణామాల నేపథ్యంలో ఈ ఘటనలో మా పాత్ర పరిమితమైనప్పటికీ, నైతిక బాధ్యత వహిస్తూ కేఎస్సీఏ కార్యదర్శి, కోశాధికారి పదవుల నుంచి వైదొలగాలని నిర్ణయించుకున్నాం. 2025 జూన్ 6వ తేదీతో కూడిన మా రాజీనామా లేఖలను కేఎస్సీఏ అధ్యక్షుడికి సమర్పించాం" అని ఆ ప్రకటనలో శంకర్, జైరామ్ పేర్కొన్నారు.
ఇక, ఐపీఎల్లో చారిత్రక విజయం నేపథ్యంలో జూన్ 4న ఆర్సీబీ ఆటగాళ్లకు చిన్నస్వామి స్టేడియంలో అభినందన కార్యక్రమం ఏర్పాటు చేశారు. ఈ కార్యక్రమానికి పాసులు ఉన్నవారికే ప్రవేశం కల్పించినప్పటికీ, తమ అభిమాన ఆటగాళ్లను చూసేందుకు వేలాది మంది అభిమానులు స్టేడియం వెలుపల గుమిగూడారు. ఊహించని విధంగా భారీ సంఖ్యలో జనం తరలిరావడంతో వారిని అదుపు చేయడం కష్టతరమైంది. ఈ క్రమంలోనే తొక్కిసలాట జరిగి 11 మంది ప్రాణాలు కోల్పోగా, దాదాపు 50 మంది గాయపడ్డారు.
ఈ విషాద ఘటన అనంతరం మృతుల కుటుంబాలకు ఆర్సీబీ యాజమాన్యం నష్టపరిహారం ప్రకటించింది. అలాగే, గాయపడిన వారికి సహాయం అందించేందుకు ఓ నిధిని కూడా ఏర్పాటు చేసింది. తాజాగా కేఎస్సీఏ ఉన్నతాధికారుల రాజీనామాతో ఈ ఘటన మరోసారి చర్చనీయాంశంగా మారింది. ఈ పరిణామం బెంగళూరు నగరంపైనా, క్రికెట్ వర్గాలపైనా తీవ్ర ప్రభావం చూపింది. ఆర్సీబీ చారిత్రక విజయం ఆనందం ఆవిరై, విషాద ఛాయలు అలుముకున్నాయి.
