బీఎండబ్ల్యూ లగ్జరీ కారు కొనుగోలు చేసిన వైవా హర్ష
- కమెడియన్ గా రాణిస్తున్న వైవా హర్ష
- కారు కొన్న విషయాన్ని ఇన్ స్టాగ్రామ్ ద్వారా వెల్లడి
- కారు ధర రూ.1.30 కోట్లు ఉంటుందని అంచనా!
హర్ష కొనుగోలు చేసిన ఈ బీఎండబ్ల్యూ ఎఫ్87 ఎమ్2 కాంపిటీషన్ కారు ధర హైదరాబాద్ మార్కెట్లో సుమారు రూ. కోటి 30 లక్షల నుంచి రూ. కోటి 40 లక్షల వరకు ఉంటుందని తెలుస్తోంది. హర్షకు మొదటి నుంచి కార్లు, స్పోర్ట్స్ బైక్లంటే ప్రత్యేకమైన ఆసక్తి ఉంది. వీలు దొరికినప్పుడల్లా తన స్నేహితులతో కలిసి లాంగ్ డ్రైవ్లకు వెళుతుంటాడని సన్నిహిత వర్గాలు చెబుతుంటాయి. ఇప్పుడు ఈ కొత్త కారు కొనుగోలుతో అతడికి వాహనాలపై ఉన్న మక్కువ మరోసారి స్పష్టమైంది.
సినిమాల విషయానికొస్తే, 'వైవా' షార్ట్ ఫిల్మ్తో వచ్చిన పాపులారిటీతో హర్ష వరుసగా సినిమా అవకాశాలు అందుకున్నారు. కమెడియన్గా అనేక చిత్రాల్లో నవ్వించిన ఆయన, గతేడాది 'సుందరం మాస్టర్' అనే సినిమాలో హీరోగా కూడా నటించి మెప్పించాడు. ప్రస్తుతం మోగ్లీ, బకాసుర రెస్టారెంట్ వంటి చిత్రాల్లో నటిస్తూ బిజీగా ఉన్నాడు.
