'హిట్‌-3' వ‌సూళ్ల సునామీ.. రూ.100 కోట్ల క్ల‌బ్‌లో చేరిన మూవీ

నేచుర‌ల్‌ స్టార్ నాని నటించిన తాజా చిత్రం ‘హిట్-3’ (హిట్: ది థర్డ్ కేస్). హిట్ సిరీస్ లో మూడో సినిమా అయిన దీనికి శైలేశ్‌ కొలను దర్శ‌క‌త్వం వ‌హించారు. మే 1న ప్రేక్ష‌కుల ముందుకు వ‌చ్చిన ఈ మూవీ బాక్సాఫీస్ వద్ద భారీ వ‌సూళ్లు కొల్ల‌గొడుతోంది. మొద‌టి రోజు వ‌ర‌ల్డ్ వైడ్‌గా రూ. 43 కోట్ల గ్రాస్ వసూళ్లను సాధించిన ఈ మూవీ... నాలుగు రోజుల్లో రూ. 100 కోట్ల క్ల‌బ్‌లోకి చేరింది. 

ఈ మేర‌కు ఎక్స్ (ట్విట్ట‌ర్‌) వేదిక‌గా మేక‌ర్స్ అధికారికంగా ప్ర‌క‌టించారు. "సర్కార్ సెంచరీ. ప్రపంచవ్యాప్తంగా 4 రోజుల్లో రూ.101 కోట్లకు పైగా గ్రాస్ వసూళ్లు రాబట్టింది" అంటూ ప్ర‌త్యేక పోస్ట‌ర్‌ను విడుద‌ల చేశారు. కాగా, ఈ మూవీలో నాని స‌ర‌స‌న హీరోయిన్‌గా కేజీఎఫ్ ఫేమ్‌ శ్రీనిధి శెట్టి నటించారు. మిక్కీ జే మేయర్ బాణీలు అందించారు. యునానిమస్ ప్రొడక్షన్స్‌తో కలిసి వాల్ పోస్టర్ సినిమా బ్యానర్‌పై ప్రశాంతి తిపిర్నేని నిర్మించారు.