వైభవంగా వెంకటేశ్ కుమార్తె వివాహ వేడుక

టాలీవుడ్ హీరో వెంకటేశ్ ఇంట పెళ్లి సందడి నెలకొంది. ఆయన 2వ కుమార్తె హయవాహినికి విజయవాడకు చెందిన ఓ డాక్టర్ కుమారుడు నిషాంత్‌ తో వివాహం జరిగింది. రామానాయుడు స్టూడియోలో కుటుంబసభ్యులు, శ్రేయోభిలాషుల సమక్షంలో వైభవంగా ఈ వేడుక జరిగింది. 

గతేడాది అక్టోబర్‌లో నిషాంత్, హయవాహినిల నిశ్చితార్థం జరిగిన విషయం తెలిసిందే. అప్పట్లో చిరంజీవి, మహేశ్ బాబు, రానా, నాగచైతన్య హాజరై కాబోయే దంపతులను ఆశీర్వదించారు. వెంకటేశ్, నీరజ దంపతులకు కుమార్తెలు ఆశ్రిత, హయవాహిని, భావన, కుమారుడు అర్జున్ ఉన్నారు. పెద్ద కుమార్తె తన భర్తతో కలిసి విదేశాల్లో ఉంటున్నారు.