2వ తరగతి బాలికలకు లిఫ్ట్ ఇచ్చిన మంత్రి సబితా ఇంద్రారెడ్డి

విద్యాశాఖ మంత్రి సబిత ఇంద్రారెడ్డి ఇద్దరు బాలికలను తన కారు‌లో ఎక్కించుకుని వారి ఇంటి వద్ద దిగబెట్టారు. మహేశ్వరం మండలం గొల్లూరు నుంచి పెద్ద గోల్కోండ ఓఆర్ఆర్ వైపు మంత్రి వెళుతుండగా దారిలో గొల్లూరు తండాకు చెందిన 2వ తరగతి బాలికలు కాలినడకన ఇంటికెళుతూ కనిపించారు. దీంతో, వెంటనే కారు ఆపిన మంత్రి సబిత వారిని కారులో ఎక్కించుకుని ఇంటి వద్ద దింపారు. ఇది తెలుసుకుని తండావాసులు మురిసిపోయారు.