Rana Daggubati: నాని, శర్వా వదులుకున్న రజనీకాంత్ ప్రాజెక్టులోకి రానా!

దిగ్గజ నిర్మాత దగ్గుబాటి రామానాయుడు వారసుడిగా తెలుగు తెరకు పరిచయమైన రానా తనకంటూ ప్రత్యేక గుర్తింపు తెచ్చుకున్నాడు. హీరోగా, విలన్ గానే కాకుండా నిర్మాతగానూ మెప్పిస్తున్నాడు. ఈ మధ్యే ‘హిరణ్య కశ్యప’ అనే సినిమాను ప్రకటించిన రానా.. అది సెట్స్‌పై ఉండగానే మరో సినిమాకు ఓకే చెప్పినట్టు తెలుస్తోంది. జైలర్‌‌తో మరోసారి తన దమ్ము చూపెట్టిన సౌత్ సూపర్ స్టార్ రజనీకాంత్ తదుపరి చిత్రంలో రానా కీలక పాత్ర పోషించనున్నారు. ‘జై భీమ్‌’ ఫేమ్ టి.జె.జ్ఞానవేల్ దర్శకత్వంలో ఈ సినిమా తెరకెక్కబోతోంది. 

లైకా ప్రొడక్షన్స్ నిర్మించనున్న ఈ సినిమా రజనీకాంత్ కెరీర్‌‌లో 170వది. ఇందులో రానా కీలకపాత్రలో నటించబోతున్నాడని తెలుస్తోంది. ముందుగా ఈ పాత్ర కోసం నాని, శర్వానంద్‌ను సంప్రదించినా వాళ్లు ఒప్పుకోలేదని.. రానా మాత్రం అంగీకరించాడని టాలీవుడ్ సమాచారం. కాగా, ఈ చిత్రంలో బాలీవుడ్ బడా స్టార్ అమితాబ్ బచ్చన్ తో పాటు ఫహద్ ఫాజిల్, మంజు వారియర్‌‌ లాంటి అగ్ర తారలు నటించనున్నారు.